قوعام • 18 ناۋرىز، 2022

كەدەيلىك پروبلەماسى ايەلدەرگە كوبىرەك كەرى اسەر ەتەدى

99 رەت كورسەتىلدى

بۇۇ-نىڭ نيۋ-يوركتەگى (اقش) شتاب-پاتەرىندە ايەلدەر جاعدايى جونىندەگى كوميسسيانىڭ (CSW66) 66-سەسسياسى ءوز جۇمىسىن باستادى. وعان قازاقستان دەلەگاتسياسى قاتىسۋدا.

25 ناۋرىزعا دەيىن جالعاساتىن سەسسيا وتىرىستارىنىڭ باستى تاقىرىبى: «گەندەرلىك تەڭدىككە قول جەتكىزۋ جانە كليماتتىڭ وزگەرۋى، قورشاعان ورتانى قورعاۋ جانە اپاتتار قاۋپىن ازايتۋ سالاسىنداعى ساياسات پەن باعدارلامالار اياسىندا بارلىق ايەلدەر مەن قىزداردىڭ قۇقىقتارى مەن مۇمكىندىكتەرىن كەڭەيتۋ». CSW66-دا قازاقستان دەلەگاتسياسى قۇرامىندا لاززات رامازانوۆا توراعالىعىمەن قازاقستان پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا، قازاقستانداعى ادام قۇقىقتارى جونىندەگى ۋاكىل ەلۆيرا ءازىموۆا، پرەزيدەنت كەڭەسشىسى مارجان اكىمجانوۆا، ءسىم جانە ەلىمىزدىڭ بۇۇ جانىنداعى تۇراقتى وكىلدىگىنىڭ وكىلدەرى، قوعام قايراتكەرلەرى بار.

«كليماتتىڭ وزگەرۋى – ورتاق سىن-قاتەرىمىزدىڭ ءبىرى. بۇل قازىرگى 66-سەسسيانىڭ باسىم تاقىرىبى. الەم وتقا ورانۋدا. ول دۇنيە ءجۇزىنىڭ كەز كەلگەن بۇرىشىنا اسەر ەتىپ، تىنىق مۇحيتتان اركتيكاعا دەيىن بەيبىتشىلىككە، ازىق-ت ۇلىك قاۋىپسىزدىگى مەن تۇراقتى دامۋعا قاۋىپ ءتوندىردى. بارلىق باسقا داعدارىستاعىداي، كليماتتىڭ وزگەرۋى ايەلدەر مەن قىزدارعا ۇلكەن اسەر ەتەدى... بۇگىن مەن قايتادان بارشاڭىزدى الەمدەگى ايەلدەر مەن قىزداردى كليمات ماسەلەلەرىن شەشۋگە تولىق جانە ماعىنالى تۇردە تارتۋعا شاقىرامىن»، دەدى بۇۇ ايەلدەر جاعدايى جونىندەگى كوميسسيانىڭ 66-سەسسياسىنىڭ اشىلۋىندا سويلەگەن سوزىندە «بۇۇ-ايەلدەر» ۇيىمىنىڭ اتقارۋشى ديرەكتورى سيما باحۋس.

«وكىنىشكە قاراي، كليماتتىڭ وزگەرۋى، قورشاعان ورتانىڭ ناشارلاۋى، اپاتتاردىڭ جاعىمسىز اسەرلەرىن سەزىنەتىن وسال توپتاردىڭ اراسىندا قىزدار مەن ايەلدەر ءجيى كەزدەسەدى. مىسالى، قازاقستاندا تاماق دايىنداۋ ءۇشىن لاس وتىندى پايدالانۋعا بايلانىستى ەنەرگەتيكالىق كەدەيلىك پروبلەماسى ايەلدەرگە كوبىرەك كەرى اسەر ەتەدى»، دەپ مالىمدەدى قازاقستانداعى «بۇۇ-ايەلدەر» ۇيىمىنىڭ وكىلى ماريا دوتسەنكو. ول، ددۇ باعالاۋى بويىنشا، جىل سايىن 10 مىڭنان استام قازاقستاندىق اۋانىڭ لاستانۋىنا بايلانىستى سەبەپتەردەن كوز جۇماتىنىن، ونىڭ ىشىندە 5 مىڭنان استام ادام لاستانعان اۋادان قايتىس بولاتىنىن ەسكەرتتى.

قازاقستان دەلەگاتسياسى 14 ناۋرىزدا بۇۇ شتاب-پاتەرىندە «قازاق­ستان-بۇۇ: گەندەرلىك تەڭدىكتى ىلگەرى­لەتۋ جانە ايەلدەردىڭ قۇقىقتارى مەن مۇمكىندىكتەرىن كەڭەيتۋ بويىنشا ىنتىماقتاستىققا 30 جىل» فوتوكورمەسىن ۇسىندى. فوتوسۋرەت­تەردە تاۋەلسىزدىكتىڭ 30 جىلداعى ەلىمىزدىڭ نەگىزگى گەندەرلىك جەتىستىكتەرى ۇسىنىلعان. ولاردىڭ ىشىندە: ايەلدەر ءۇشىن تىيىم سالىنعان ماماندىقتار ءتىزىمىن جويۋ، ايەلدەر كاسىپكەرلىگىن قولداۋ ورتالىقتارىن اشۋ، زاڭناماعا نەگىزگى وزگەرىستەر، گەندەرلىك زورلىق-زومبىلىق پەن ەكونوميكالىق ادىلەتتىلىك پەن قۇقىقتارعا قارسى ءىس-قيمىل جونىندەگى «تەڭدىك ۇرپاعى» فورۋمىنىڭ ءىس-قيمىل كواليتسيالارىنا قوسىلۋ، بۇۇ قاۋىپسىزدىك كەڭەسىنىڭ ايەلدەر، بەيبىتشىلىك جانە قاۋىپسىزدىك تۋرالى 1325 قارارىن ىسكە اسىرۋ جونىندەگى ءىس-قيمىل جوسپارىن قابىلداۋ جانە تاعى باسقالار بار.

سوڭعى جاڭالىقتار

وزىق تەحنولوگيالى وپەراتسيالار

مەديتسينا • بۇگىن، 07:09

ماڭىزى زور مادەني جوبا

قوعام • بۇگىن، 07:07

قاراشاداعى قارا ولەڭ

قوعام • بۇگىن، 07:04

«سپارتاك» سان سوقتىرىپ كەتتى

حوككەي • بۇگىن، 07:02

كۋكۋشكين كۇشىنە ەندى

تەننيس • بۇگىن، 07:00

جاس ساراپشىلار تالداۋى

ساياسات • كەشە

كەتىگىن تاپقان كاسىپورىن

ەكونوميكا • كەشە

ايان تۋرالى بايان

رۋحانيات • كەشە

ۇزدىكتەر انىقتالدى

فۋتبول • كەشە

ايازداعى اپات

ايماقتار • كەشە

ارحەولوگ اسۋلارى

قوعام • كەشە

ۇقساس جاڭالىقتار