جۇمانعارين ماجىلىستە ەلدەگى مۇناي باعاسى نارىق باعاسىنا ساي ەمەس ەكەنىن اتاپ ءوتتى. ونىڭ ايتۋىنشا, مۇناي باعاسىنىڭ جاسىرىن جولمەن رەتتەلۋى نارىقتاعى مۇناي ونىمدەرى باعاسىنا كەرى اسەر ەتكەن.
وڭدەۋدىڭ نەگىزگى ۇلەسى CNPC پەن «قازمۇنايگاز»-عا تيەسىلى. ۆەدومستۆو باسشىسى بۇل مۇناي ونىمدەرىنىڭ كوتەرمە جانە بولشەك ساۋدا نارىقتارىندا باسەكەلەستىكتى دامىتۋ مۇمكىندىگىن شەكتەيتىنىن اتاپ ءوتتى.
«CNPC پەن «قازمۇنايگاز» كومپانيالار توبى 80 پايىز دەڭگەيدە مۇناي ءوندىرىپ, ونى ءموز-دە جانە Petrosun, قمگ جانە PetroleumOperating-تە وڭدەيدى. كەيىن ءىرى كومپانيالارعا ساتادى: Sinooil, PetroRetail, اۆتوگازترەيد (GazEnergy).
وسىلايشا, مۇناي وڭدەۋ, مۇناي ونىمدەرىن ءوندىرۋدىڭ تەحنولوگيالىق تسيكلى ءۇزىلدى. پاۆلودار حيميا زاۋىتىندا, اتىراۋ حيميا زاۋىتىندا گاز ساقتاۋ پاركتەرى جەكە قولعا بەرىلدى, جەكە مونوپوليالار قۇرىلدى. ءسويتىپ, گاز باعاسى قولدان كوتەرىلەدى», دەدى ول.
سەرىك جۇمانعارين قازىر زاۋىتتارعا قاتىستى تەرگەۋ جۇرگىزىلگەنىن اتاپ ءوتتى. اتىراۋ ساقتاۋ پاركىنە 1,3 ميلليارد تەڭگە ايىپپۇل سالىنعان, ال پاۆلودارداعى جۇمىس جالعاسىپ جاتىر ەكەن.
«Petrosun, PetroleumOperating جانە «قازمۇنايگاز» سەكىلدى كوتەرمە ساۋدا نارىعىندا نەگىزگى مۇناي جەتكىزۋشىلەر ىشكى نارىققا جەتكىزىلگەن مۇنايدىڭ جالپى كولەمىنىڭ 80 پايىزىن الادى. 11 ميلليون توننا مۇناي ونىمدەرىنىڭ ۇشتەن ەكىسى بولشەك ساۋدا جەلىلەرىنە, ۇشتەن ءبىرى ەشقانداي ينفراقۇرىلىمى جوق كوتەرمە ساۋدا نىساندارىنا ساتىلادى», دەپ تولىقتىردى باسەكەلەستىكتى قورعاۋ جانە دامىتۋ اگەنتتىگىنىڭ باسشىسى.
