ينفوگرافيكانى جاساعان امانگەلدى قياس, «ەQ»
جولداۋدىڭ نەگىزگى ساياسي بولىگى ءدال وسى قاڭتار وقيعاسىنان تۇيگەن شەشىمدەر مەن جاڭا ساياسي قۇرىلىمنىڭ سۇلباسىن كورسەتەتىن ماڭىزدى جاڭالىقتاردان تۇردى. سونىڭ ىشىندە وتكەن قايعىلى وقيعالاردىڭ ەڭ ۇلكەن ساباعى – قازاقستاندىق قوعام مەن بيلىك اراسىنداعى دانەكەرلىكتى, بيلىكتىڭ قوعامدى ەستۋ مۇمكىندىگىن كۇشەيتۋ, ودان كەيىن بيلىكتىڭ ءبىر قولدا شوعىرلانۋىن شەكتەۋ باعىتىنداعى وزگەرىستەر. وسى تۇرعىدان كەلگەندە كەشە پرەزيدەنت قازاقستانداعى سۋپەرپرەزيدەنتتىك باسقارۋ جۇيەسىنىڭ وسىمەن اياقتالعانىن ايتتى. بۇل – ءبىز ءۇشىن وتە ۇلكەن وزگەرىس, جاڭا بەلەس. بۇدان بىلاي مەملەكەت باسشىسىنىڭ جاقىن تۋىستارى, وتباسى مۇشەلەرى ەشقانداي مەملەكەتتىك جانە مەملەكەتكە جاقىن كۆازيمەملەكەتتىك سەكتورداعى كومپانيالاردا جوعارى لاۋازىمعا تاعايىندالمايدى. كەلەسى وزگەرىس – پرەزيدەنتتىڭ قانداي دا ءبىر پارتياعا مۇشە جانە باسشى بولمايتىنى. بۇل دا – ساياسي جۇيەمىزدى العا سۇيرەيتىن وزگەرىس. ودان كەيىن پرەزيدەنت وبلىس اكىمدەرىن ءبىر عانا ەمەس, كەمى ەكى ۇمىتكەردى وبلىستىق ماسليحاتقا ۇسىنىپ, ءماسليحات مۇشەلەرىنىڭ قولداۋىمەن, مۇمكىن ءماسليحاتتىڭ سايلاۋىمەن تاعايىندايدى.
نەگىزگى شەشىمدەر مەن ۇسىنىستاردىڭ ءبىر بولىگى بارلىق دەڭگەيدەگى ۇيىمداستىرۋ ماسەلەلەرى مەن ولاردىڭ تيىمدىلىگىن ارتىرۋعا باعىتتالدى. اشىعىن ايتقاندا, ۇيىمداستىرۋشىلىق جاعىنىڭ زامانعا ساي بولماۋىنان مەملەكەتتىك باسقارۋ جۇيەسىندەگى شەشىمدەردىڭ ورىندالۋى اقساپ جاتقانىن كورىپ ءجۇرمىز. ەندى ۇلتتىق جوبالاردى, ءتۇرلى ستراتەگيالىق قۇجاتتى تالقىلاۋعا ۇكىمەتتىك ەمەس ۇيىمدار مەن اقپاراتتىق قۇرالدار كەڭىنەن ارالاسا الاتىن بولدى.
سونىمەن قاتار بۇقارالىق اقپارات قۇرالدارى تۋرالى جاڭا زاڭ قابىلدانادى جانە بۇل زاڭنىڭ نەگىزگى ماقساتى جۋرناليستەردىڭ الدەبىر ساياسي, ەكونوميكالىق تارتىستىڭ نەمەسە ويىننىڭ قۇرالى بولىپ كەتپەۋىن جانە سىرتتان كەلەتىن تاپسىرىستاردى ورىندايتىن قولشوقپارعا اينالماۋىن كوزدەيدى. ءسوزسىز, ماڭىزدى ءارى قاجەتتى دۇنيە. بىراق مۇنىڭ قالاي ىسكە اساتىنىن مۇقيات ويلانعان ءجون.
ۇلتتىق سەنىم كەڭەسىنىڭ جاڭا ەۆوليۋتسيالىق كەزەڭى تۋىپ جاتىر. ۇلتتىق كەڭەس ۇلتتىق قۇرىلتايعا اينالماقشى. بۇل قۇرىلتايعا وڭىرلەردەگى وكىلدەر كوبىرەك تارتىلادى. اتالعان كەڭەستىڭ مۇشەسى رەتىندە ۇلتتىق كەڭەس بيلىك پەن قوعام, حالىق اراسىنداعى دانەكەرلىك مىندەتىن اتقارا الدى دەپ ايتا الامىن. حالىقتىڭ تالاپ-تىلەكتەرى كەڭەس مۇشەلەرىنىڭ ۇسىنىستارى ارقىلى تىكەلەي پرەزيدەنتكە جەتىپ جاتتى. كەڭەستەگى كوپ ۇسىنىس وسى جولداۋدان دا كورىنىس تاۋىپ جاتىر. مىنە, ەندى كەڭەستىڭ «كەرەگەسى» كەڭەيىپ, قۇرىلتايعا اينالماق. بۇل – بيلىك پەن حالىق اراسىنداعى كوپىردى ودان ءارى نىعايتا تۇسەتىن تەتىك.
قورىتا ايتقاندا, وسىنىڭ بارلىعى – قازاقستاننىڭ ەرتەڭگى كۇنىنە سەنىم ۇيالاتاتىن ماڭىزدى شەشىمدەر. ءبىر قۋانتاتىنى, الەمدە قالىپتاسىپ جاتقان گەوساياسي جاعدايعا, رەسەي مەن ۋكراينا اراسىنداعى بىزگە جاقىن ماڭدا بولىپ جاتقان عالامدىق كيكىلجىڭگە قاراماستان, قازاقستان ءوزىنىڭ الدىنا قويعان نەگىزگى ماقساتتاردان, بەلگىلەنگەن ستراتەگيالىق مەجەلەرىنەن اينىماي, سول جولمەن كەلە جاتىر. مۇنى قۇپتارلىق ىسكە بالايمىن. ۇلتتىق قوعامدىق سەنىم كەڭەسىنىڭ مۇشەسى, قازاقستاننىڭ ازاماتى رەتىندە پرەزيدەنتتىڭ وسى جاريالاعان جولداۋىنداعى باستامالارىنا ءۇن قوسۋعا دا, ىسپەن ارالاسۋعا دا دايىن ەكەنىمدى جەتكىزگىم كەلەدى. جانە حالىقتى دا مەملەكەت باسشىسىنىڭ باستامالارىن ىسپەن قولداۋعا شاقىرامىن.
راۋان كەنجەحان ۇلى,
«ۇلتتىق اۋدارما بيۋروسى» قوعامدىق قورىنىڭ ديرەكتورى,
ۇلتتىق قوعامدىق سەنىم كەڭەسىنىڭ مۇشەسى
