اگرارلىق سالاداعى ەلەكتر ەنەرگەتيكاسى

مەملەكەت باسشىسى نۇرسۇلتان نازارباەۆ بيىلعى قازاقستان حال­قىنا جولداۋىندا اگرارلىق سالانى جەدەل دامىتۋ جونىندە ارنايى تاپ­سىرمالار بەرىپ, باعدارىن انىق­تا­دى.  ناقتىلاي تۇسسەك, ونىڭ ءبىرىن­شىسى – ەڭبەك ونىمدىلىگىن ارتتىرۋ, ەكىنشىسى – ەلدىڭ ازىق-ت ۇلىك قاۋىپ­سىزدىگىن قامتاماسىز ەتۋ, ءۇشىنشىسى – ەلدىڭ ەكسپورتتىق الەۋەتىن ىسكە اسىرۋ. مىنە, وسى مىندەتتەردى جۇزەگە اسىرۋ قازاق مەملەكەتىنىڭ ءاربىر ازاماتىنا پارىز ەكەنى ءسوزسىز. وتانىمىزداعى اگرارلىق سالا بويىنشا ءبىلىم بەرەتىن بايىرعى وقۋ ورىندارىنىڭ ءبىرى, بازاسى, عىلىمي الەۋەتى, وقىتۋشىلار قۇ­رامى جاعىنان دا موينى وزىق تۇرعان قازاق اگرارلىق ۋنيۆەرسيتەتى دەسەك, ارتىق ايتقاندىق ەمەس. ىرگەلى وقۋ ورداسىنىڭ التىن دىڭگەگىڭدەي بولىپ ەسەپتەلەتىن ءبىر عانا ەنەر­گەتيكالىق جانە اقپاراتتىق جۇيە­لەر فاكۋلتەتىنىڭ ۇجىم مۇشەلەرى ەلباسى جولداۋىندا كورسەتىلگەن باستى مىندەتتەردى ورىنداۋ ءۇشىن بەل شەشە كىرىسىپ وتىر. بۇل فاكۋلتەت ەلىمىزدىڭ بارلىق ءوڭىرىن ەلەكترلەندىرۋ جولىندا ءوت­كەن عاسىردىڭ وزىندە وراسان جۇ­مىس­تار اتقارعان. وسىنداي يگىلىكتى ءىستى جۇرگىزۋدە فاكۋلتەتتىڭ تۇڭعىش دەكانى تروفيم تە باستاپ, ح.تاس­بو­لاتوۆ, ا.تاجىباەۆ, ا.زاحاروۆ, ي.ار­گانگەلسكي, تاعى باسقا عا­لىم-وقىتۋشىلار قوشتاپ, جۇزدەگەن ەمەس, مىڭداعان شاكىرت تاربيەلە­گەن. سول ءۇردىس كۇنى بۇگىنگە دەيىن جالعاسىپ كەلەدى. 6 مىڭعا تاياۋ ءتۇ­لەك­تەرىمىزدىڭ ىشىندە ەلگە تانىلىپ, جۇرتقا قالتقىسىز قىزمەت ەتكەن ازاماتتار مولىنان. ولاردى ءبىز ارقاشان ماقتان ەتەمىز, ستۋدەنت­تەرگە ۇلگى ەتىپ وتىرامىز. سولاردىڭ قاتارىندا, كەزىندە بيىك لاۋازىمدى قىزمەت اتقارعان سوتسياليستىك ەڭبەك ەرى ر.مىرزاشەۆ, بۇرىنعى قۇرىلىس ءمينيسترى, قازىرگى “كور­پوراتسيا اۆە” اق پرەزيدەنتى ا.ق ۇلىباەۆ, عالىم ا.بولوتوۆ, تاعى باسقالارى بار. سول سەكىلدى فاكۋل­تەتتىڭ ءبىر زاماندارداعى ۇزدىك ستۋ­دەنتتەرىنىڭ اراسىنان 11 عىلىم دوك­تورى, 20-دان استام عىلىم كان­ديداتى شىققانىن دا ايتا كەتسەك دەيمىز. عىلىم مەن تەحنيكا قارىشتاپ دامىعان ءححى عاسىردا فاكۋلتەت ۇجىمى زاماناۋي وزگەرىستەرگە ساي بۇرىنعى اۋىل شارۋاشىلىعىن ەلەكترلەندىرۋ فاكۋلتەتى ەندىگى جەردە ەنەرگەتيكالىق جانە اقپا­رات­تىق جۇيەلەر فاكۋلتەتى بولىپ وزگەرىپ وتىر. ءتورت كافەدرادا 94 وقى­تۋشى بولسا, ولاردىڭ 11-ءى عى­لىم دوكتورى, 34-ءى عىلىم كان­دي­داتى. 5 ماماندىق نەگىزىندە 1150 باكالاۆر, 32 ماگيستر, 3 PhD دوكتور دايىندالۋدا. ارناۋلى 30-دان استام لابوراتوريالاردا, ەلەكتر­لەن­دىرۋ جۇيەلەرىن جوبالاۋ كابي­نەتتەرىندە, وقۋ پوليگوندارىندا, كومپيۋتەرلەندىرىلگەن ەلەكتر قوندىرعىلارىندا ستۋدەنتتەرگە جۇيەلى ساباق وتكىزۋ ءداستۇرى جاقسى قالىپتاسقان. وقۋ ۇردىسىندە ءارتۇرلى يننوۆاتسيالىق ءبىلىم بەرۋ تەحنو­لوگيالارى كەڭىنەن قولدانىلادى. ماسەلەن, ءداستۇرلى مۋلتيمەديالىق سۇيەمەلدەۋ, ۆيرتۋالدىق لابورا­تو­ريالىق جۇمىستار, ەلەكتروندىق وقۋلىقتار مەن وقۋ قۇرالدارى, بەي­نەفيلمدەر, كومپيۋتەرمەن باقى­لاۋ-تەست جۇرگىزۋ, ىسكەرلىك ويىن­دارى, ت.ب. فاكۋلتەتتە ءبىلىم بەرۋمەن قا­تار عىلىمدى وندىرىسپەن ۇشتاستىرا وتىرىپ, زەرتتەۋ ماسەلەسى دە دۇرىس جولعا قويىلعان. سونىڭ ءبىر دالەلى عالىمدار اۋىل ەنەرگەتيكاسىنىڭ وزەكتى ماسەلەلەرى بويىنشا زەرت­تەۋلەر جۇرگىزۋدە. اتاپ ايتقاندا, اۋىلشارۋاشىلىق جىلجىمالى ماشينەلەرىنىڭ وڭتايلاندىرىلعان اۆتونومدىق ەلەكتر جەتەگى, اۆتو­نوم­دىق جىلجىمالى ەلەكترمەن جابدىقتاۋ كوزى, فەرمەرلىك شارۋا­شى­لىقتاردى جىلۋمەن قامتاماسىز ەتۋ ءۇشىن ەلەكتر بۋ ءوندىرۋشى, جا­ڭارتىلعان ەنەرگيا كوزدەرىن قۇراما پايدالانۋ قوندىرعىسى جانە باسقا دا ماسەلەلەردىڭ شەشىمدەرى ىزدەس­تى­رىلۋ ۇستىندە. جالپى العاندا, ەلى­مىزدەگى ەلەكترتەحنيكالىق ءبىلىمنىڭ كوزىن اشقان ۇرپاق ساباقتاستىعى جالعاسىن تاپقان فاكۋلتەت وقىتۋ­شىلارى مەن ستۋدەنتتەرى ەلباسى تاپسىرمالارىن مۇلتىكسىز ورىنداۋ جولىندا ەڭبەك ەتىپ كەلەدى. مۇراتبەك يساحانوۆ, قازاق ۇلتتىق اگرارلىق ۋنيۆەرسيتەتىنىڭ دوتسەنتى. الماتى.