مەملەكەت باسشىسىنا مينيسترلىككە قاراستى ۇيىمدارعا جۇمىس ساپارى تۋرالى باياندالدى. ساپار قورىتىندىسى بويىنشا كۇن تارتىبىندە تۇرعان ماسەلەلەردى شەشۋ شارالارى دايارلانعان.
داۋرەن اباەۆ قاسىم-جومارت توقاەۆتىڭ سپورت سەكتسيالارى مەن شىعارماشىلىق ۇيىرمەلەردى جان باسىنا قاراي قارجىلاندىرۋ, بۇقارالىق سپورتتى قارقىندى دامىتۋ جونىندە بەرگەن تاپسىرمالارىن ورىنداۋ ۆەدومستۆو جۇمىسىنداعى نەگىزگى باعىتتىڭ ءبىرى ەكەنىن ايتتى.
پرەزيدەنتتىڭ ايتۋىنشا, بيىل مينيسترلىك جەرگىلىكتى اتقارۋشى ورگاندارمەن بىرلەسە وتىرىپ, قازاقستان رەسپۋبليكاسى مەملەكەتتىك رامىزدەرىنىڭ 30 جىلدىعىن ءتيىستى دەڭگەيدە اتاپ ءوتۋى قاجەت.
مەملەكەت باسشىسى ۇلتتىق سپورت رەزەرۆىنىڭ ءىرى حالىقارالىق جارىستارعا, سونىڭ ىشىندە 2024 جىلى پاريجدە وتەتىن وليمپيادا ويىندارىنا دايىندىعىن كۇشەيتۋدى تاپسىردى.
پرەزيدەنت جاستار ءۇشىن ۇلتتىق مادەنيەتتىڭ باسەكەگە قابىلەتتىلىگى مەن تارتىمدىلىعىن ارتتىرۋ قاجەت ەكەنىن ەرەكشە اتاپ ءوتتى.
قاسىم-جومارت توقاەۆ كارانتيندىك شەكتەۋلەردىڭ ەلىمىزدە جانە شەت مەملەكەتتەردە جەڭىلدەتىلۋىنە بايلانىستى تۋريزم سالاسىن دامىتۋدىڭ تىڭ جولدارىن ازىرلەۋ ماڭىزدى دەپ ەسەپتەيدى.
