كوشپەلى كورمەنىڭ ايتارى كوپ

ۇستىمىزدەگى مامىر ايىنىڭ باسىنداعى تاماشا مەرەكەلەر قارساڭىندا ەلىمىزدىڭ رۋحاني ورتالىق­تارىنىڭ ءبىرى – سەمەيدە قازاقستان رەسپۋبليكاسى تۇڭعىش پرەزيدەنتى مۇراجايىنىڭ كوشپەلى كورمەسى اشىلدى. مۇندا العاش رەت وتكىزىلىپ وتىرعان بۇل كورمەگە 200-دەن استام ەكسپونات قويىلعان. ولاردىڭ ىشىندە ءتۇرلى تاريحي قۇجاتتار كوشىرمەلەرىمەن بىرگە سان ونداعان مەملەكەت باسشى­لارى تاراپىنان ەلباسىمىزعا تارتىلعان كوزدىڭ جاۋىن الاتىن ناقتىلى تارتۋلاردىڭ ءتۇپنۇس­قالارى دا بار. اقش, قىتاي, رەسەي, ءۇندىستان جانە باسقا دا ءىرى مەملەكەتتەر اتىنان سىيلان­عان مۇنداي تارتۋلار ءبىزدىڭ ەگە­مەن ەلىمىز بەن سول ەگەمەن ەلىمىز­دىڭ شاڭىراعىن شايقالت­پاي الىپ كەلە جاتقان ەلباسىمىزعا دەگەن شىنايى قۇرمەتتى اڭعارتسا كەرەك. شىندىعىندا, بۇگىنگى كۇنى ەۋروپا تورىندەگى ەقىۇ سەكىلدى مارتەبەلى ۇيىمنىڭ تىزگىنىن قولىندا بەرىك ۇستاپ وتىرعان, جۋىردا عانا نيۋ-يوركتە وتكەن ساليقالى سامميتتە ومىرشەڭ باستامالارىمەن كوزگە تۇسكەن, ال الداعى جىلى يسلام كونفەرەن­تسياسى ۇيىمىنا باسشىلىق ەتۋگە دايىندالىپ جاتقان ءبىزدىڭ ەل قانداي قۇرمەتكە بولسىن لا­يىق ەكەندىگىنە كىمنىڭ داۋى بار. ەلىمىزدىڭ تۇڭعىش پرەزيدەنتى مۇراجايىنىڭ وسىنداعى نەۆ­زوروۆتار وتباسى اتىنداعى كور­كەم­ونەر مۇراجايىندا وتكىزىلىپ جاتقان بۇل كوشپەلى كورمەسى وسى ايدىڭ ورتاسىنا دەيىن جالعا­سادى. داۋلەت سەيسەن ۇلى, سەمەي.