«دوستىق ۇيىندە» وتكەن سالتاناتتى ءىس-شاراعا قازاقستان جازۋشىلار وداعىنىڭ توراعاسى, مەملەكەتتىك سىيلىقتىڭ لاۋرەاتى, اقىن ۇلىقبەك ەسداۋلەتوۆ, نۇر-سۇلتان قالاسى اكىمىنىڭ ورىنباسارى بەرىك ورال ۇلى, پارلامەنت دەپۋتاتى, اقىن قازىبەك يسا, ساتيريك-جازۋشى كوپەن امىربەك, اقىن, مەملەكەتتىك سىيلىقتىڭ لاۋرەاتى گۇلنار سالىقباي, ادەبيەتتانۋشى, سىنشى امانگەلدى كەڭشىلىك ۇلى, اقىن, فيلولوگيا عىلىمدارىنىڭ دوكتورى جانات اسكەربەكقىزى, اقىن, ادەبيەتتانۋشى سۇراعان راحمەت ۇلى, اقىن سەرىكزات دۇيسەنعازى سىندى ەلوردادا تۇراتىن زيالى قاۋىم وكىلدەرى قاتىستى. ۇيىمداستىرىپ ءارى كەشتى جۇرگىزگەن قازاقستاننىڭ ەڭبەك سىڭىرگەن قايراتكەرى, حالىقارالىق «الاش» ادەبي سىيلىعىنىڭ يەگەرى, قازاقستان جازۋشىلار وداعى نۇر-سۇلتان قالالىق فيليالىنىڭ ديرەكتورى, اقىن داۋلەتكەرەي كاپ ۇلى.
اۋەلگى ءسوزدى قالا اكىمىنىڭ ورىنباسارى بەرىك ورال ۇلى الدى. ول وتىز جىلدىقتا قازاق رۋحانياتىندا بولىپ جاتقان ەلەۋلى وزگەرىستەردى تىلگە تيەك ەتتى. استانا قالاسىندا سوڭعى كەزدەرى بولىپ جاتقان مادەني-ادەبي جاڭالىقتارمەن بولىسە كەلىپ, الداعى ۋاقىتتا استانالىق قالامگەرلەر ءۇشىن بار جاعدايدى جاساۋعا اكىمشىلىك تاراپىنان وڭ شەشىمدەر بولاتىنىن اتاپ ءوتتى.
قازاقستان جازۋشىلار وداعىنىڭ توراعاسى ۇلىقبەك ەسداۋلەتوۆ ءوز سوزىندە جازۋشىلار وداعىنىڭ قازىرگى جاعدايى, حال-اقۋالى, جۇمىس بارىسى, تۋىنداپ جاتقان ماسەلەلەرى مەن اتقارىلىپ جاتقان جۇمىستارى تۋرالى ەگجەي-تەكجەيلى بايانداپ ءوتتى. قازىرگى قالامگەرلەردىڭ كۇي-جايىن تىلگە تيەك ەتە كەلىپ, قالالىق اكىمدىك تاراپىنان, ادەبي ءومىرىمىزدى دامىتۋعا, ەلوردانىڭ رۋحاني اجارىن ايشىقتاي تۇسۋگە بارىنشا قولداۋ ءبىلدىرۋىن تالاپ ەتتى.
كەش سوڭىنا قاراي كوپەن امىربەك, امانگەلدى كەڭشىلىك ۇلى, سۇراعان راحمەت ۇلى, مارجان ەرشۋ قاتارلى قالامگەرلەر ءسوز الىپ, بۇگىنگى ادەبيەتتىڭ وزەكتى ماسەلەلەرىن ورتاعا سالدى.
«دوستىق ۇيىندە» وتكەن مادەني باس قوسۋدىڭ تاعى ءبىر سالتاناتى, قازاقستان جازۋشىلار وداعىنا جاڭا مۇشەلەردىڭ قابىلدانۋى بولدى. قارا شاڭىراققا مۇشە بولعان بارلىق جاس قالامگەرلەرگە قۇتتى بولسىن ايتامىز!
سونىمەن قاتار «ەگەمەن قازاقستان» گازەتىنىڭ تىلشىلەرى ارمان شەريزات, ولجاس ساندىبەك پەن راۋان قابيدولديننىڭ كىتابى شىقتى.
«دوستىق ۇيىندە» وتكەن مادەني باس قوسۋدىڭ تاعى ءبىر سالتاناتى, قازاقستان جازۋشىلار وداعىنا جاڭا مۇشەلەردىڭ قابىلدانۋى بولدى.
سونداي-اق, «ەگەمەن قازاقستان» گازەتىنىڭ ءتىلشىسى ارمان شەريزات قازاقستان جازۋشىلار وداعىنا مۇشە بولىپ قابىلداندى.
