الەم • 14 ناۋرىز, 2022

قىتاي رەسەيگە كورسەتىلەتىن كومەك تۋرالى اقپاراتتى جوققا شىعاردى

266 رەت

كورسەتىلدى

1 مين

وقۋ ءۇشىن

قحر سىرتقى ىستەر مينيسترلىگىنىڭ رەسمي وكىلى چجاو ليتسزيان رەسەيدىڭ ۋكراينادا ارنايى وپەراتسيا وتكىزۋىنە بايلانىستى اسكەري كومەك سۇراعانى تۋرالى حابارلامالار جالعان ەكەنىن ايتتى, دەپ حابارلايدى Egemen.kz Reuters-كە سىلتەمە جاساپ.

گاۋھار قاپاش

قىتاي رەسەيگە كورسەتىلەتىن كومەك تۋرالى اقپاراتتى جوققا شىعاردى

ساياساتكەر اقش كەيىنگى ۋاقىتتا قىتايدىڭ ۋكراينا ماسەلەسىنە قاتىستى ۇستانىمى تۋرالى وسىنداي جالعان اقپاراتتى بەلسەندى تۇردە تاراتا باستاعانىن اتاپ ءوتتى.

«امەريكا تاراپى تاراتقان ءتيىستى حابارلامالار جالعان», دەدى قىتاي ءسىم وكىلى.

ليتسزيان قىتاي قوس تاراپتىڭ بەيبىت كەلىسسوزدەرى مەن ۋكرايناداعى شيەلەنىستىڭ توقتاتىلۋىن قولدايتىنىن اتاپ ءوتتى.

«شيەلەنىستىڭ ودان ءارى ۋشىعۋىنا ەمەس, ديپلوماتيالىق جاعىنان رەتتەۋگە ىقپال ەتۋىمىز كەرەك», - دەپ تولىقتىردى چجاو ليتسزيان.

جاقىندا Finanسial Times, New York Times جانە The Washington Post سەكىلدى شەتەل باسىلىمدارى اقش ۇكىمەتىندەگى اتى اتالماعان دەرەككوزدەرگە سىلتەمە جاساپ, رەسەي بيلىگى ۋكرايناداعى اسكەري شابۋىلعا جانە ەكونوميكالىق سانكتسيالاردىڭ سالدارىنا قارسى تۇرۋ ءۇشىن قىتايدان اسكەري جانە ەكونوميكالىق كومەك سۇراعانىن حابارلاعان ەدى.

امەريكالىق باسىلىم دەرەككوزدەرى ماسكەۋ ۋكراينامەن اراداعى سوعىس باستالعاننان بەرى بەيجىڭنەن اسكەري تەحنيكا مەن باسقا دا كومەك سۇراعانىن مالىمدەدى. Ft دەرەكتەرى بويىنشا, سوعىستىڭ ءۇشىنشى اپتاسىنىڭ ورتاسىندا رەسەيدە قارۋدىڭ كەيبىر ءتۇرى تاۋسىلۋى مۇمكىن.