جاڭا مەكتەپتە 500 وقۋشى وقيدى

وبلىس ورتالىعىنىڭ ىرگەسىن­دەگى پاۆلودار اۋىلىنداعى №40 جالپى ءبىلىم بەرەتىن جاڭا ورتا مەكتەپ قالانىڭ سولتۇستىك ءبولى­گىندە ورنالاسقان. وندا بۇگىندە 500 بالا وقيدى. اۋىلدا قاسىم قاجى مەشىتى سالىندى. جەرگىلىكتى تۇرعىندار جاڭا مەكتەپتىڭ بوي كوتەرۋىنە ۇلەس قوسقان پارلامەنت ءماجىلىسىنىڭ دەپۋتاتى تيتو سىز­دىقوۆقا راحمەت ايتۋدا. داعدارىس ۋاقىتىنا قاراماي, وتكەن جىلى اشىلعان جاڭا مەكتەپكە بۇل كۇندەرى اۋىلدىقتار, اتا-انالار كول-كوسىر ريزا. قالاعا جاقىن اۋىل بولعان­دىقتان, جان-جاقتان كوشىپ كەلۋشىلەر دە كوپ. اۋىل اكىمى يرينا فوگەلدىڭ ايتۋىنشا, سوڭعى ءبىر-ەكى جىلدا ەلدى مەكەن­دە 200-دەي ءسابي ومىرگە كەلىپتى. بۇل – جاڭا مەكتەپكە كەلەتىن العاشقى ءبىرىنشى سىنىپتىقتار قاتارىن كوبەيتەدى دەگەن ءسوز. بىلتىر قالا اكىمى باقىتجان جولامانوۆ مەكتەپكە “جيگۋلي” جەڭىل اۆتو­كولىگىن سىيعا تارتتى. رەسپۋبلي­كالىق بيۋدجەت ەسەبىنەن سالىنعان بۇل مەكتەپكە 738 ميل­ليون تەڭگە قارجى جۇمسالدى. جاڭا مەكتەپتە وقۋشىلارعا ساپالى ءبىلىم, سانالى تاربيە بەرۋ ءۇشىن قازىرگى كۇنى بارلىق جاعداي جاسالعان, ارنايى جابدىقتالعان ءپان كابينەتتەرى كەڭ دە جارىق, كومپيۋتەر سى­نىپتارى, ۇلكەن اسحانا, سپورت زالى بار. فاريدا بىقاي, پاۆلودار.