پارتياارالىق ىنتىماقتاستىقتىڭ ۇنقاتىسۋ الاڭى

اسسامبلەيانىڭ دەپۋتاتتىق توبى: پارتياارالىق ىنتىماقتاستىقتىڭ ۇنقاتىسۋ الاڭى پارتياارالىق ىنتىماقتاستىق – ەتنوسارالىق تۇراقتىلىق پەن قوعامدىق كەلىسىمدى نىعايتۋ جولىندا بىرلەسە جۇمىس اتقارۋدىڭ ماڭىزدى تەتىكتەرى­نىڭ ءبىرى. قازاقستان حالقى اسسامبلەياسىنىڭ پارلامەنت ماجىلىسىندەگى دەپۋتاتتىق توبى كەڭەيتىلگەن وتىرىسىن وتكىزىپ, اسسامبلەيا «اق جول» قدپ جانە قازاقستان حالىقتىق كوممۋنيستىك پارتياسى وكىلدەرىمەن ىنتىماقتاستىق مەموراندۋمىنا قول قويدى. قازاقستان حالقى اسسامبلەياسى ءتور­اعاسىنىڭ ورىنباسارى ەرالى توعجا­نوۆ ءوز سوزىندە: «قازاقستان حالقى اسسام­بلەياسىنىڭ حح سەسسياسىندا ەلباسى نۇرسۇلتان نازارباەۆ قوعامدىق كەلىسىمگە قاتىستى مەملەكەتتىك ساياساتتىڭ باعدارىن ناقتى كورسەتىپ بەردى. قوعامدىق كەلىسىم كونستيتۋتسيالىق ۇستانىم بولىپ تابىلادى. سوندىقتان, پوليەتنوستىق مەملەكەتتەگى ۇلتتاردىڭ باسىن قوسۋ, قابىلداناتىن زاڭنامالىق قۇجاتتاردىڭ بارلىعىن ارنايى ساراپتامادان وتكىزۋ – باستى جۇمىسىمىز. سونىمەن قاتار, قازاقستاندا تۇراتىن ەتنوستىق توپتاردىڭ ەلىمىزگە دەگەن سۇيىسپەنشىلىگىن, ءپاتريوتيزمدى دامىتۋ باعىتتارى – نەگىزگى مىندەتتەردىڭ ءبىرى. قحا-نىڭ 2020 جىلعا دەيىنگى كەزەڭگە ارنالعان ستراتەگيالىق دامۋ تۇجىرىمداماسىندا اسسامبلەيانىڭ باستى مىندەتى رەتىندە ءوز كەزەگىندە بارلىق ەكونوميكالىق جانە الەۋمەتتىك ماسەلەلەردىڭ شەشىلۋىنە كەپىلدىك بەرەتىن, مەملەكەتتىڭ تۇراقتى دامۋىن قامتاماسىز ەتەتىن قوعامدىق كەلىسىم ەكەنى كورسەتىلدى», – دەپ اتاپ ءوتتى. ال دەپۋتاتتىق توپ جەتەكشىسى جۇماتاي اليەۆ وسى ۋاقىتقا دەيىن اتقارىلعان جۇمىستاردى قورىتىندىلاپ, بولاشاق جوسپارلاردى ءسوز ەتتى. بىرلەسە جۇمىس اتقارۋدىڭ ماڭىزدىلىعى مەن وزەكتىلىگىنە توقتالدى. جيىن بارىسىندا قازاقستان حالقى اسسامبلەياسى دەپۋتاتتارعا العىس حات تاپسىردى. «ەگەمەن-اقپارات».