قامقورلىق اياسىندا

جاقىندا ۇلتتىق ۆاليۋتا – تەڭگە باعا­مىنا ەنگىزىلگەن وزگە­رىستەر  جۇرت­شىلىق ارا­سىن­دا بەلگىلى ءبىر الاڭ­داۋشىلىق تۋعىزعانى راس. الايدا, ونىڭ الدىن الۋعا بايلانىستى دەر كەزىندە اتقارىلعان ناقتى ءىس-شارالار ءوز ناتيجەسىن بەردى. قو­عام­دا قايتادان جايلى احۋال قالىپتاسىپ, كوپ­شىلىكتىڭ كوڭىلى ورنىنا ءتۇستى. حالىقارالىق بيزنەس ۋنيۆەرسيتەتى مۇنىڭ الدىندا عانا تىڭعىلىقتى شارۋالار اتقارعان ەدى. ءبىلىم ورداسىنىڭ باسشىلىعى قىزمەتكەرلەر مەن پروفەسسور-وقىتۋشىلار قۇرامىنىڭ جالا­قىسىن كوتەرۋدى جىل باسىندا ويلاستىرىپ, ونى 1 اقپاننان باستاپ 20 پايىزعا كوتەرۋدى ۇيعارعان بولاتىن. سول ارادا تەڭگە باعامىنىڭ الگىندەي كوتەرىلۋى كورىنىس تاپتى. ۋنيۆەرسيتەت سايكەسىنشە ءوزى­نىڭ قىزمەتكەرلەرىنە قام­قورلىق اياسىن كەڭەيتتى. ەلباسىنىڭ وسكەلەڭ جاس ۇرپاققا قاتىستى تۇراقتى ۇستانعان سالي­قالى دا سارابدال سايا­ساتى ۋنيۆەرسيتەتتە قا­شاندا زور قولداۋعا يە. مۇندا باكالاۆريات جانە ماگيستراتۋرا باعدارلامالارى بويىن­شا وقىتۋ باعاسى بۇرىنعى كۇيىندە ساق­تالىپ وتىر. حا­لىق­ارالىق بيزنەس ۋني­ۆەر­سيتەتىندە وقۋعا تىلەك ءبىلدىرۋ­شىلەرگە ورنىقتى ءارى ساپالى ءبىلىم الۋىنا ەلىمىزدەگى جانە الەمدەگى ءتۇرلى ەكونوميكالىق كونيۋنكتۋرانىڭ اۋىتقۋلارىنا قاراماستان كەپىلدىك بەرىلەدى. ستۋدەنتتەرگە الەۋمەتتىك تۇر­عىدان كوپ كومەك كورسەتىلەدى. وسىنداي يگىلىكتى ىستەردىڭ ناتيجەسىندە ۋنيۆەرسيتەتتىڭ بەدەلى جىلدان-جىلعا ارتىپ كەلەدى. ءيا, ءىستىڭ كوزىن تاپقان مىنە, وسى. مارات اققۇل, «ەگەمەن قازاقستان».