رۇستەم مۇلكاي ۇلى 1965 جىلى باتىس قازاقستان وبلىسىندا دۇنيەگە كەلگەن.
ءبىلىمى جوعارى, 1989 جىلى باتىس قازاقستان اۋىل شارۋاشىلىعى ينستيتۋتىن اۋىل شارۋاشىلىعىن مەحانيكالاندىرۋ ماماندىعى بويىنشا اياقتاعان.
ەڭبەك جولىن 1989 جىلى وردا اۋدانى «وردا» كەڭشارىنىڭ ينجەنەر-مەحانيگى بولىپ باستادى.
ءار جىلدارى بوكەي ورداسى اۋدانى اكىمىنىڭ ورىنباسارى, بوكەي ورداسى اۋدانى اۋىل شارۋاشىلىعى ءبولىمىنىڭ باسشىسى, وردا اۋىلىنىڭ اكىمى, قر اۋىل شارۋاشىلىعى مينيسترلىگى اگروونەركاسىپ كەشەنىندەگى مەملەكەتتىك ينسپەكتسيا كوميتەتى بقو بوكەي ورداسى اۋداندىق اۋماقتىق ينسپەكتسياسىنىڭ باسشىسى بولىپ ەڭبەك ەتتى.
2019 جىلدىڭ ناۋرىز ايىنان باستاپ بۇگىنگى كۇنگە دەيىن كازتالوۆ اۋدانى اكىمىنىڭ ورىنباسارى بولىپ قىزمەت اتقاردى.
