سەيشەل ارالدارىمەن دە ارالاسامىز

قازاقستان رەسپۋبليكاسى مەن سەيشەل ارالدارى رەسپۋبليكاسىنىڭ اراسىندا ديپلوماتيالىق قاتىناستار ورناتىلدى. نيۋ-يوركتە قازاقستان رەسپۋبليكاسى مەن سەيشەل ارالدارىنىڭ بۇۇ جانىنداعى تۇراقتى وكىلدەرى قايرات ءابدىراحمانوۆ پەن ماري-لۋيزا پوتتەر ەكى مەملەكەت اراسىندا ديپلوماتيالىق قاتىناستار ورناتۋ تۋرالى بىرلەسكەن كومميۋنيكەگە قول قويدى. قول قويۋ ءراسىمى كەزىندە ەكىجاقتى دەڭگەيدە ىنتىماقتاستىقتىڭ بولاشاعى تۋرالى جانە قازاقستان مەن سەيشەل ءۇشىن قىزىعۋشىلىق تۋدىراتىن بۇۇ كۇن تارتىبىندەگى ماڭىزدى ماسەلەلەر بويىنشا پىكىر الماسۋ ءوتتى. سولاردىڭ ىشىندە تەڭىزگە شىعا المايتىن, كىشى ارالدى ەلدەر ماسەلەسىن شەشۋ, تۇراقتى دامۋ ماقساتتارىن جاساۋ, قورشاعان ورتانى قورعاۋ, كلي­ماتتىڭ وزگەرۋى ماسەلەسى جانە ت.ب. بار. تاراپتار مەملەكەتتەر ارا­سىندا تۋريزم, ءبىلىم بەرۋ, ساۋدا جانە وڭىرلىك نارىقتارعا جول اشۋ سالالارىنداعى ءوزارا ءتيىم­دى بايلانىستاردى كەڭەيتۋدىڭ ماڭىز­دىلىعىن اتاپ ءوتتى. وسى جىلعى قىركۇيەكتە قازاقستاننىڭ دا قاتىسۋى جوسپارلانىپ وتىرعان دامۋشى كىشى ارالدى ەلدەردىڭ سامميتىنە ەرەكشە نازار اۋدارىلدى. سەيشەل – ەكسپو-2017 ما­­مانداندىرىلعان كورمەسىن ءوت­كىزۋدە استانا قالاسىنىڭ كاندي­داتۋراسىن قولداعان افري­كا وڭىرىندەگى العاشقى مەملە­كەت­تەردىڭ ءبىرى. سەيشەلدىڭ بۇۇ جا­نىن­داعى تۇراقتى وكىلى, اسىرەسە, دامۋشى ەلدەر ءۇشىن ەنەرگەتيكا, ەنەرگيا رەسۋرستارىنىڭ جە­تىسپەۋشىلىگى ماسەلەلەرىن شەشۋدەگى ەكسپو-2017 كورمەسىنىڭ ماڭىزدى ءرولىن اتاپ ءوتتى.