كەلىسىمنىڭ ماقساتى - تەڭدىك جانە ءوزارا قۇرمەت قاعيداتتارى نەگىزىندە مەملەكەتتەردىڭ ۇلتتىق زاڭنامالارىنا جانە حالىقارالىق قۇقىقتىق نورمالارعا سايكەس ءبىلىم بەرۋ سالاسىنداعى ىنتىماقتاستىقتى دامىتۋ.
قۇجات كەلەسى سالالارداعى ىنتىماقتاستىقتى قاراستىرادى:
- ءبىلىم بەرۋ سالاسىندا تاجىريبە الماسۋ, ءبىلىم بەرۋ باعدارلامالارىن ىسكە اسىرۋ, بىرلەسكەن جوبالاردى جۇرگىزۋ, عىلىمي جاريالانىمدارمەن الماسۋدى ىنتالاندىرۋ;
- عىلىمي قىزمەتكەرلەرمەن, ساراپشىلارمەن, مۇعالىمدەرمەن, ءبىلىم بەرۋ ۇيىمدارىنىڭ باسشىلارىمەن جانە ستۋدەنتتەرمەن الماسۋدى ىنتالاندىرۋ;
- ءبىلىم بەرۋ سالاسىنداعى باسشىلار, مۇعالىمدەر جانە قىزمەتكەرلەر ءۇشىن بىلىكتىلىكتى ارتتىرۋ باعدارلامالارىن ۇيىمداستىرۋ;
- وقۋ باعدارلامالارى مەن ماتەريالدارىن ازىرلەۋ مەن جەتىلدىرۋدە تاجىريبە الماسۋ;
- ءبىلىم بەرۋدە جاڭا تەحنولوگيالاردى قولدانۋ سالاسىندا تاجىريبە الماسۋ;
- جالپى ءبىلىم بەرۋ جۇيەسىن ولشەۋ جانە باعالاۋ جۇيەلەرىنە قاتىستى اقپارات پەن تاجىريبەنى ءوزارا الماسۋ;
- ءوزارا نەگىزدە ستۋدەنتتەردىڭ عىلىمي جانە مادەني وليمپيادالارعا قاتىسۋىن ىنتالاندىرۋ;
- سەمينارلار, كورمەلەر, كونفەرەنتسيالار, عىلىمي زەرتتەۋلەر سياقتى ءىس-شارالارعا ءوزارا قاتىسۋدى كوتەرمەلەۋ;
- بىرلەسكەن باعدارلامالار, سەرىكتەستىك قاتىناستار/باۋىرلاس ءبىلىم بەرۋ ۇيىمدارى/جانە ستۋدەنتتىك قىزمەت بويىنشا ءبىلىم بەرۋ مەكەمەلەرى اراسىنداعى ىنتىماقتاستىقتى دامىتۋ;
- جاستار ساياساتى جانە كوممۋنيكاتسيا سالاسىنداعى ىنتىماقتاستىقتى دامىتۋ.
بۇدان باسقا, تاراپتار ءبىر-ءبىرىنىڭ ەلدەرىندە ءوزارا تۇسىنىستىك نەگىزىندە وقۋ ورىندارىن اشادى دەپ كوزدەلەدى.
سونداي-اق:
- كەلىسىم شەڭبەرىندە تاعايىندالاتىن عىلىمي قىزمەتكەرلەرگە, وقىتۋشىلارعا, مۇعالىمدەرگە جانە ولاردىڭ وتباسى مۇشەلەرىنە ۆيزا بەرۋ كەزىندە جاردەم كورسەتەدى;
- وقۋ ورىندارىندا قازاقستان مەن تۇركيا ادەبيەتى, مادەنيەتى مەن تاريحىن زەرتتەۋ جۇمىستارىن قولدايدى;
- قازاق جانە تۇرىك تىلدەرىن وقىتۋ ورتالىقتارىن اشۋ مۇمكىندىگى ءوزارا نەگىزدە قاراستىرىلادى
- قازاقستان تاراپى تۇرىك ءتىلىن وقىتۋدى كوتەرمەلەيدى جانە تۇرىك تاراپى قازاق ءتىلىن وقىتۋدى كوتەرمەلەيدى.
قۇجات اشىق نقا سايتىندا جاريا تالقىلاۋ ءۇشىن 30 ناۋرىزعا دەيىن ورنالاستىرىلعان.
