ءۇش بالا تاربيەلەپ وتىرعان قانداسىمىز وسى كەزگە دەيىن كسرو-نىڭ قىزىل پاسپورتىمەن جۇرگەن. سول سەبەپتەن, بالالارىمەن بىرگە تەگىن مەديتسينالىق كومەككە جۇگىنە الماعان. جەكە باسىن كۋالاندىراتىن قۇجاتى بولماعاندىقتان, تۇراقتى جۇمىس ىستەمەيدى.
– قۇرمانعازى اۋداندىق پوليتسيا ءبولىمىنىڭ كوشى-قون قىزمەتكەرلەرىنە جۇگىنىپ, قازاقستان ازاماتتىعىن الۋعا ءوتىنىش بەرگەن ەدىم. پوليتسيا كاپيتانى ايدانا امانگەلديەۆا ءوتىنىشىمدى جاۋاپسىز قالدىرماي, رەسەي فەدەراتسياسىنىڭ استراحان قالاسىنداعى ەلشىلىككە سۇراۋ سالۋعا باردى. قازاقستان رەسپۋبليكاسىنىڭ ازاماتتىعىن الۋدىڭ جەڭىلدەتىلگەن ءتارتىبىن ءتۇسىندىرىپ, قۇجاتتارىمدى رەتتەپ بەردى. ەلدىڭ ازاماتى اتانعاننان ارتىق قۋانىش بولا ما؟ ەندى ەلىمىزدىڭ وركەندەۋىنە ۇلەسىمدى قوسۋدى ماقسات ەتىپ وتىرمىن. كوشى-قون قىزمەتىنىڭ قىزمەتكەرلەرىنە قولداۋ كورسەتكەنى ءۇشىن العىس ايتامىن, – دەيدى ناديا نابيقىزى.
اتىراۋ وبلىسى
