كوپبالالى جانە از قامتىلعان وتباسىلارعا جان-جاقتى كومەك كورسەتۋ ماقساتىندا 2019 جىلدىڭ تامىز ايىنان باستاپ الماتىنىڭ ءار اۋدانىندا ء«بىر تەرەزە» قاعيداتى بويىنشا «باقىتتى وتباسى» ورتالىقتارى جۇمىس ىستەپ كەلەدى. زۋلفيا بايساقوۆانىڭ ايتۋىنشا, بۇگىندە قالادا 30 339 كوپبالالى وتباسى تۇرادى. كوپبالالى انالاردىڭ 4 855-ءى «التىن القا», «كۇمىس القا» القالارىنىڭ يەگەرلەرى. سونىمەن قاتار 1 300-دەن استام وتباسى اتاۋلى الەۋمەتتىك كومەك الادى.
«باقىتتى وتباسى» ورتالىقتارىندا پسيحولوگيالىق جانە زاڭگەرلىك كومەكپەن قاتار جۇمىسقا ورنالاسۋ مەن بوس ۋاقىتتى ءتيىمدى پايدالانۋ باعىتىندا كەڭەستەر بەرىلەدى.
ء«بىزدىڭ ورتالىقتاردا انالار مەن وتباسىلارعا پروفيلدىك كۋرستاردان وتۋگە كومەكتەسەتىن Isker ana باعدارلاماسى جۇمىس ىستەيدى. كاسىپكەرلەر پالاتاسىندا ايەلدەر كاسىپكەرلىك نەگىزدەرىنە وقىتىلادى. وسى باعدارلامانىڭ كومەگىمەن كوپتەگەن انا ءوز بيزنەسىن اشىپ, ازىق-ت ۇلىك جانە كيىم-كەشەك ساۋدا ورىندارى, اۋەزوۆ اۋدانىنداعى اسپازدىق, قالانىڭ بەس اۋدانىنداعى تىگىن تسەحتارىنىڭ جۇمىسى جولعا قويىلدى», دەپ اتاپ ءوتتى ز.بايساقوۆا.
زۋلفيا بايساقوۆا اتاپ وتكەندەي, «باقىتتى وتباسى» ورتالىقتارىندا وتباسىلىق قۇندىلىقتاردى دارىپتەۋ, وتباسىن قۇرمەتتەۋ جانە وسكەلەڭ ۇرپاقتى ادامگەرشىلىككە تاربيەلەۋ, كوپبالالى وتباسىلاردىڭ لايىقتى ءومىر ءسۇرۋ جاعدايلارىن جاقسارتۋعا كومەكتەسۋگە باسىمدىق بەرىلەدى. بۇگىندە كوپبالالى وتباسىلاردىڭ كوپشىلىگى الاتاۋ اۋدانىندا تۇرادى.
ناقتى شارالار قوعامنىڭ العا جىلجۋىنا ىقپال ەتەدى. «باقىتتى وتباسى» ورتالىعىندا اشىلعان قولونەردى دامىتۋ ورتالىعىنىڭ جۇمىسى جولعا قويىلعان. وسى ورتالىق ارقىلى 12 مىڭ ادام وقىتۋ كۋرستارىنان ءوتتى, مىڭنان استام ايەل تىگىن شەبەرحانالارى, اسپازدىق, باسپاحانا, سۇلۋلىق ستۋديالارى سياقتى جەكە ىستەرىن اشۋعا جانە دامىتۋعا وتەۋسىز گرانتتار الدى. وسىنداي كۋرستاردىڭ ناتيجەسىندە ايەلدەر تابىس تاۋىپ قانا قويماي, ءوز وتباسىلارىنا قۋانىش سىيلاپ العا قويعان ماقساتتارىن جۇزەگە اسىرۋدا. بۇگىندە «باقىتتى وتباسى» ورتالىقتارىنا وتباسى جاعدايىن جەتە بىلەتىن, ولارمەن تىعىز جۇمىس ىستەيتىن ءارى قوردالانعان ماسەلەلەرىن دەر كەزىندە شەشۋگە ماماندانعان كوپبالالى انالاردىڭ وزدەرى باسشىلىق ەتۋدە. بۇل ورتالىقتار كەلەم دەۋشىلەرگە ءاردايىم اشىق ءارى مۇندا جاڭا جوبالاردى باستاۋ مۇمكىندىگى مول.
الماتى
