«حالىقتى جۇمىسپەن قامتۋعا جاردەمدەسۋ باعىتى بويىنشا اقپاراتتىق جۇيەلەردى ساراپتاۋ ناتيجەسىندە الەۋمەتتىك قولداۋعا جانە جۇمىسپەن قامتۋعا مۇقتاج ازاماتتاردى «ەرتە انىقتاۋ جۇيەسى» ەنگىزىلەتىن بولادى. بۇل رەتتە وتباسىنىڭ تسيفرلىق كارتاسى ارقىلى الەۋمەتتىك مارتەبەسى جوق, قولداۋعا مۇقتاج ازاماتتاردىڭ پورترەتى ازىرلەنەدى جانە ولاردىڭ ناقتى قاجەتتىلىكتەرى ايقىندالادى», دەپ مالىمدەدى قر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ.
سونداي-اق ءمينيستردىڭ ايتۋىنشا, جاستارعا ارنالعان «العاشقى جۇمىس ورنى», تۇلەكتەرگە ارنالعان «جاستار پراكتيكاسى», «ۇرپاقتار كەلىسىمشارتى» جوبالارى شەڭبەرىندە سۋبسيديالاۋدىڭ ۇزاقتىعى مەن مولشەرى ۇلعايتىلاتىن بولادى.
جاستاردى جۇمىسقا ىنتالاندىرۋ ءۇشىن زاڭناماعا «جاس جۇمىسشى» ۇعىمىن ەنگىزۋ, ولار ءۇشىن سىناق مەرزىمىن الىپ تاستاۋ, باسقا وڭىرلەردەن جۇمىسقا كەلگەن جاستار ءۇشىن تۇرعىن ءۇيدى جالعا الۋعا كوتەرمە جاردەماقى ەنگىزۋ جونىندە شارالار قابىلداناتىن بولادى.
كوپبالالى وتباسىلار (76,8 مىڭ) جانە مۇگەدەك بالالاردى تاربيەلەپ وتىرعان وتباسىلار (7 مىڭ) ءۇشىن بارلىق وڭىردە ايەلدەردى قولداۋ ورتالىقتارىن قۇرۋ جوسپارلانۋدا.
