العاشقى ماتچتا قازاقستان قۇراماسى بالقان ەلدەرىنىڭ قۇراماسىمەن كەزدەستى.
ايەلدەر اراسىندا 56,7 كيلوعا دەيىنگى سالماقتاعى العاشقى جەكپە-جەكتە ايان تۇرسىننىڭ قارسىلاسى جارىسقا شىعۋدان باس تارتۋىنا بايلانىستى, جەڭىس قازاقستاندىققا بۇيىردى.
ەكىنشى بەلدەسۋدە 61,2 كيلوعا دەيىنگى سالماقتا قازاقستاندىق انتونينا كوتليارەۆسكايا مەن سەربيالىق سپورتشى نيكوليو ساندرا كەزدەستى. ءۇش راۋندتىڭ قورىتىندىسى بويىنشا تورەشىلەر ءبىراۋىزدان جەڭىستى كوتليارەۆسكاياعا بەردى.
جانىبەك تىنىشتىق (61,2 كيلوعا دەيىن) ۆويو كوتانوۆيچكە قارسى ءۇش راۋند وتكىزدى. ايقىن باسىمدىق كورسەتىپ قازاقستاندىق جەڭىسكە جەتتى.
ءتورتىنشى جەكپە-جەك 65,8 كيلوعا دەيىنگى سالماقتا اناتولي زولوتىح پەن ۆويا سيميچيچ اراسىندا ءوتتى. بۇل جەكپە-جەك تە تولىق 3 راۋندقا سوزىلىپ, تورەشىلەردىڭ شەشىمىمەن جەرلەسىمىز جەڭىسكە جەتتى.
شەشۋشى جەكپە-جەكتە نەيمات اسادوۆ دانيلو ريستيستكە قارسى جەكپە-جەكتى تۇنشىقتىرۋ ارقىلى مەرزىمىنەن بۇرىن اياقتاپ, قازاقستانعا بەسىنشى جەڭىسىن اكەلدى.
جەكپە-جەك قورىتىندىسى بويىنشا قازاقستاندىق قۇراما باحرەين قۇراماسىمەن كەزدەسەتىن جارتىلاي فينالعا جولداما الدى.
