«ەڭبەك نارىعىندا 300 مىڭعا تارتا جۇمىسسىز جانە NEET ساناتىنداعى جاستار, 80 مىڭنان استام كوپبالالى جانە مۇگەدىكتىگى بار بالا تاربيەلەپ وتىرعان از قامتىلعان وتباسىلار بار. بۇل ءاربىر مۇقتاج توپ ءۇشىن ارنايى تاسىلدەر, قۇرالدار قابىلداۋدى تالاپ ەتەدى», دەدى مينيستر.
سوندىقتان ءمينيستردىڭ اتاپ وتۋىنشە, بىرىنشىدەن, اقپاراتتىق جۇيەلەردى ساراپتاۋ ناتيجەسىندە الەۋمەتتىك قولداۋدى جانە جۇمىسپەن قامتۋدى قاجەت ەتەتىن ازاماتتاردى «ەرتە انىقتاۋ جۇيەسى» ەنگىزىلەدى. بۇل ورايدا تسيفرلىق كارتا ارقىلى الەۋمەتتىك مارتەبەسى جوق, قولداۋعا مۇقتاج ازاماتتاردىڭ پورترەتى ازىرلەنىپ, ولاردىڭ ناقتى قاجەتتىلىكتەرى انىقتالاتىن بولادى.
«ەكىنشىدەن, NEET جاستار ءۇشىن «العاشقى جۇمىس ورنى», تۇلەكتەر ءۇشىن «جاستار پراكتيكاسى», «ۇرپاقتار كەلىسىمشارتى» جوبالارى اياسىندا سۋبسيديالاۋدىڭ ۇزاقتىعى مەن مولشەرى ۇلعايتىلادى», دەدى سەرىك شاپكەنوۆ.
