ءوندىرىس ورىندارىندا ءباسەكەلەستىكتىڭ ارتىپ, رىنوكقا شىعارىلاتىن ءونىم ساپاسىنا باسا نازار اۋدارۋ جاقسىلىقتىڭ نىشانى. ناتيجەسىندە وتاندىق ءونىم وزىندىك ساپاسىمەن قۇندىلىعىن ارتتىرادى. وسى ورايدا, تالدىقورعاندا ءبىرتىندەپ ءوندىرىس ورىندارى اشىلىپ, دۇنيەجۇزىلىك رىنوكقا نىق قادام باسىپ قانا قويماي, العاشقى ادىمىندا-اق وزىندىك ورنىن بەلگىلەگەنى قۋانتادى. بىلە- بىلسەك, بۇل قازاقستاننىڭ الەمدەگى دامىعان 30 ەلدىڭ قاتارىنان ءوز ورنىن الۋىنا ءبىر سەپتىگىن تيگىزەرى انىق. ءبىر دالەل رەتىندە, «قاينار-اكب» جاۋاپكەرشىلىگى شەكتەۋلى سەرىكتەستىگى جۇمىسىن ايتۋعا بولادى.
«بيزنەستىڭ جول كارتاسى-2020» باعدارلاماسى شەڭبەرىندە 1 جانە 2 باعىت بويىنشا ۇكىمەت قولداۋىنا يە بولىپ, نەسيەنىڭ پايىزدىق ولشەمىن سۋبسيديالاۋعا 4 ملرد. تەڭگە كولەمىندە قارجىلاي دەمەۋ العان «قاينار-اكب» جشس ءبىر جىلدا 9814,8 ملن. تەڭگەنىڭ ءونىمىن ءوندىردى. قۋاتتىلىعى جىلىنا 1,8 ملن. دانا اككۋمۋلياتور شىعارۋعا جەتەتىن كاسىپورىننىڭ قارقىندى جۇمىسى تالدىقورعان قالاسىنىڭ ەكونوميكالىق تۇرعىدا دامۋىنا دا ءوز سەرپىنىن تيگىزۋدە. قازىرگى تاڭدا زاۋىتتا 770-تەن استام جۇمىسشى قازاقستاندىق ونەركاسىپتى جاڭا دەڭگەيگە كوتەرىپ, نارىقتاعى وزىندىك ورنىن قالىپتاستىرۋ جولىندا ەڭبەك ەتۋدە. ورتاشا ايلىق ەڭبەكاقى 75 مىڭ تەڭگەنى قۇرايدى. قاينار اكب» جاۋاپكەرشىلىگى شەكتەۋلى سەرىكتەستىگى يندۋستريالىق باتارەيالار شىعارۋ جوباسىن دا تولىق ىسكە قوستى.
«ىرگەسى وتكەن عاسىردىڭ 70-جىلدارى قالانعان تالدىقورعاندىق «قاينار-اكب» زاۋىتى تەك اۆتوكولىكتەرگە قاجەتتى اككۋمۋلياتورلاردى عانا ەمەس, يندۋستريالىق قۋات كوزىن شىعارۋدى تولىق يگەردى. مەملەكەتتىڭ قولداۋمەن ماتەريالدىق-تەحنيكالىق بازاسى جاڭارتىلعان زاۋىت ءونىمىنىڭ 70% كەدەن وداعى بويىنشا رەسەي مەن بەلورۋسسياعا ەكسپورتتالۋدا», دەدى تالدىقورعان قالاسىنىڭ اكىمى ەرمەك الپىسوۆ.
تۇتاستاي العاندا, تالدىقورعاندا ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا 3 جىلدا جالپى قۇنى 1,6 ملرد. تەڭگە تۇراتىن 3 جوبا جۇزەگە اسىرىلىپ, 230 جاڭا جۇمىس ورنى اشىلدى سونىمەن قاتار, بىلتىرعى جىلى جەتىسۋدىڭ كىندىك قالاسىندا 4 جاڭا ءوندىرىس ورنى جۇمىسقا كىرىسىپ, 3 كاسىپورىن كەڭەيتىلدى. 150 ملن. تەڭگە ينۆەستيتسيا تارتىلىپ, 127 جاڭا جۇمىس ورىندارى قۇرىلدى. ال, ونەركاسىپتەگى وندىرىلگەن ءونىم كولەمى 7,7%-عا ۇلعايىپ, 47 ملرد. تەڭگەدەن استى. ارعى جىلمەن سالىستىرعاندا, 1 ملرد. تەڭگە ارتىق نەمەسە 3,2 ملرد. تەڭگە سالىق پەن تولەم ءتۇستى, بۇل بيۋدجەتكە تۇسكەن بارلىق سالىق تۇسىمدەرىنىڭ 22%-ى. تالدىقورعاندا كاسىپكەرلىكتىڭ جاقسى دامۋىنا «بيزنەستىڭ جول كارتاسى-2020» باعدارلاماسى اياسىندا كورسەتىلگەن مەملەكەتتىك قولداۋ وڭ اسەر ەتىپ 1,5 ملرد. تەڭگەدەن استام نەسيە پايىزىن سۋبسيديالاۋعا 10 جوبا ماقۇلداندى. 33 ملن. تەڭگەگە 11 گرانت بەرىلىپ, 57 جاڭا جۇمىس ورىندارى قۇرىلدى. كاسىپكەرلىك سالاسىنان تۇسكەن سالىقتار مەن تولەمدەر بارلىق تولەمدەردىڭ 30,9%-ىن قۇرايدى. قالانىڭ ءاربىر ءتورتىنشى ەڭبەككە قابىلەتتى تۇرعىنى شاعىن جانە ورتا بيزنەس سالاسىندا جۇمىس ىستەيدى. بىلتىرعى جىلى باستالعان ءىرى ينۆەستيتسيالىق جوبالار: مايلى داقىلداردى وڭدەيتىن «جەتىسۋ ماجيكو» اگرووندىرىسكەشەنى» جانە ارناۋلى تەحنيكالاردى قۇرايتىن «ماشينەري گرۋپپ» جوبالارىن ىسكە قوسىپ, ارماتۋرا جانە مەتالل سىمدارى زاۋىتى قۇرىلىسى قارقىندى جۇرۋدە. تۇرعىن ءۇي قۇرىلىسى كومبيناتى بيىل 6 مىڭ تەكشە مەتر تەمىر-بەتون بۇيىمدارىن شىعارسا, 2015 جىلى 50 مىڭ تەكشە مەتر ءونىم وندىرەدى. ءسويتىپ, اعىمداعى جىلى ونەركاسىپ سالاسىندا ءونىم كولەمى 50 ملرد. تەڭگەدەن اسىپ, 200 جاڭا جۇمىس ورنى اشىلادى.
قورىتا ايتقاندا, تالدىقورعان ءوڭىرىنىڭ كۇرەتامىرى ءىسپەتتى ءوندىرىس ورىندارىنىڭ وركەندەۋىن اتالعان قالانىڭ الماتى وبلىسىنىڭ ورتالىعى بولىپ بەلگىلەنۋىمەن بايلانىستىرعان ادىلەتتىلىك. سول ادىلدىكتىڭ ءناتيجەسى مەملەكەتتىك ساياساتقا ساي ءوندىرىس ورىندارىن وسى قارقىننان تايدىرماي دامىتا تۇسۋمەن دە كورىنەرى حاق.
نۇربول الدىباەۆ,
«ەگەمەن قازاقستان».
الماتى وبلىسى.
