ول 1978 جىلى 10 قاراشادا موڭعول حالىق رەسپۋبليكاسىنىڭ بايانولگەي ايماعىندا دۇنيەگە كەلگەن. 2000 جىلى ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن بىتىرگەن.
«جاس الاش», «استانا اقشامى» گازەتتەرىندە ەڭبەك جولىن باستاعان. «فوليانت» باسپاسىندا باس رەداكتور, «قازاقستان تەمىرجولشىسى», «ايقىن» گازەتتەرىندە ءتىلشى, قر جوعارعى سوتى مەن ادىلەت مينيسترلىگىنە قاراستى «زاڭ» مەدياكورپوراتسياسىندا استانا وكىلدىگىنىڭ ديرەكتورى, «الاش ايناسى» گازەتىندە استانا بيۋروسىنىڭ جەتەكشىسى بولعان. سونىمەن قاتار قازاقستان رەسپۋبليكاسى پرەزيدەنتi اكىمشىلىگىندە قىزمەت ەتكەن.
كەيىنگى جىلدارى حالىقارالىق تۇركى اكادەمياسىنىڭ باسپا جانە كىتاپحانا ءبولىمىنىڭ مەڭگەرۋشىسى بولىپ جۇمىس ىستەدى.
ەسكە سالساق, جاندوس بادەل ۇلى بۇرىن دا «Egemen Qazaqstan» رەسپۋبليكالىق گازەتى» اكتسيونەرلىك قوعامى باسقارما توراعاسىنىڭ ورىنباسارى بولىپ ەڭبەك ەتكەن. ول 2017 جىلى بۇل لاۋازىمنان ءوز وتىنىشىمەن بوساتىلعان.
