استانادا «KADEX-2014» كورمەسى وتكىزىلەدى

بيىلعى 22-25 مامىر ارالىعىندا استانا قالاسىندا حالىقارالىق «KADEX-2014» كورمەسى وتكىزىلەدى. وعان قاتىسۋعا  200-دەن اسا شەتەلدىك كومپانيا ءوتىنىم بەردى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى. وسىعان دەيىن ەكى رەت وتكىزىلگەن «KADEX» قارۋ-جاراق جانە اسكەري-تەحنيكالىق م ۇلىك كورمەسىنە قاتىسقان شەتەلدىك كومپانيالار ءبىزدىڭ اسكەري اۋەلەتىمىزگە وڭ باعاسىن بەرگەن ەدى. ەندى, مىنە, سول كورمە ءۇشىنشى رەت وتكىزىلگەلى وتىر. «الدا وتكىزىلگەلى وتىرعان كورمەنىڭ باستى ەرەكشەلىكتەرىنىڭ ءبىرى ونداعى سەكتسيالارعا قويىلاتىن ەكسپوناتتاردىڭ اۋقىمدىلىعىندا. مۇندا  عارىشتىق تەحنولوگيا, اۆياتسيا مەن اۆياتسيالىق قارۋ-جاراق, اۋە شابۋىلىنان قورعانۋ جۇيەلەرى مەن  قۇرالدارى, اسكەري سالاداعى روبوت تەحنيكاسى, ءىت-تەحنولوگيا, بايلانىس جۇيەسى مەن قۇرالدارى, اسكەرلەردى تىلدىق جانە تەحنيكالىق قامتاماسىز ەتۋ, قۇرلىق اسكەرلەرى مەن اسكەري-تەڭىز كۇشتەرىنىڭ  قارۋ جاراعى مەن اسكەري تەحنيكاسى قويىلماق», - دەلىنگەن حابارلامادا. دەرەككە جۇگىنسەك, قازىردەن باستاپ تمد ەلدەرى مەن الىس-جاقىن شەتەلدەردەگى 200-دەن اسا كومپانيا قازاقستاندىق كورمەگە قاتىسۋعا ءوتىنىم بەرىپتى.ولاردىڭ قاتارىندا قارۋ-جاراق شىعاراتىن بەلگىلى Fabbrica d Armi Pietro Beretta S. p. A., EADS, Israel Aerospace Industries, Otokar, Ceska Zbrojovka, Rohde & Schwarz ,Poly technologies Inc جانە باسقالارى بار. جالپى, كورمە وتكىزىلەتىن الاڭنىڭ  كولەمى - 5000 شارشى مەتر. «KADEX» قارۋ-جاراق جانە اسكەري-تەحنيكالىق م ۇلىك كورمەسى اياسىندا حالىقارالىق اسكەري-عىلىمي-تەحنيكالىق كونفەرەنتسيالار وتكىزۋ جوسپارلانعان. ءامىرحان الماعانبەتوۆ. دەرەككوز: قورعانىس مينيسترلىگىنىڭ ءباسپاسوز قىزمەتى. فوتو: www. Strategy2050. kz.