استانانىڭ «بارىس» كۋبوك جولىنان شىعىپ قالدى

بۇگىن, 29 ناۋرىز كۇنى استانانىڭ «بارىسى» ۋفانىڭ «سالاۆات يۋلاەۆ» كومانداسىمەن قۇرلىقتىق حوككەي ليگاسى پلەي-وفف سەرياسىنىڭ ەكىنشى راۋندىنداعى التىنشى ماتچىندا 2:3 ەسەبىمەن ۇتىلىپ, گاگارين كۋبوگى جولىنداعى جارىستان شىعىپ قالدى. بۇل تۋرالى ras.kz حابارلادى. ۋفا قالاسىندا وتكەن كەزدەسۋدە الاڭ يەلەرى ءبىرىنشى بولىپ ەسەپ اشتى. ونى وىننىڭ 4-مينۋتىندا يۆان ۆيشنەۆسكي ءتۇسىردى. بىراق 13-مينۋتتا كونستانين رۋدەنكو مەن نيكولاي انتروپوۆتان پاس العان ەۆگەني بلوحين تارازى باسىن تەڭەستىردى. ماتچتىڭ ەكىنشى كەزەڭىندە حوككەيشىلەر شايبا سوعا العان جوق. ال ءۇشىنشى كەزەڭدە ەكى قاقپاعا ونىڭ ۇشەۋى بىردەن ءتۇستى. الدىمەن 43-مينۋتتا ۋفالىق يگور ميرنوۆ ءوز كومانداسىن وسى ويىندا ەكىنشى رەت العا شىعاردى. 52-مينۋتتا انتون سلەپىشەۆتىڭ كۇش سالۋىمەن ەسەپ 3:1 بولدى. قوناقتاردا وسىدان كەيىن سوڭعى شايبانى سالۋدىڭ وراي كەلدى. ونى 57-مينۋتتا نايدجەل دوۋس ءوز ەسەبىنە جازدى. وسىلايشا سەرياداعى جالپى ەسەپ 4:2-گە جەتتى. بۇل «سالاۆات يۋلاەۆتىڭ» العا شىققانىن ايعاقتاپ بەردى. دامير قوجامقۇل. دەرەككوز: ras.kz. فوتو: Vesti.kz.