مۋامار كاددافيدىڭ ۇلى ليۆيا حالقىنان كەشىرىم سۇرادى

مۋامار كاددافيدىڭ ۇلى ساادي كاددافي ليۆيا حالقىنان كەشىرىم سۇرادى. بۇل تۋرالى يتار-تاسس اگەنتتىگى حابارلادى. تۇرمەدە جازاسىن وتەپ جاتقان س.كاددافيدىڭ كەشىرىم سۇراعان بەينەجازباسى ليۆيا تەلەارنالارىندا كورسەتىلدى. «مەن ليۆيا حالقىنا جانە بيلىكتەگى باۋىرلارىما جاساعان ز ۇلىمدىعىم ءۇشىن, ەلدەگى قاۋىپسىزدىك پەن تۇراقتىلىقتى بۇزعانىم ءۇشىن كەشىرىم سۇرايمىن»,- دەدى ول. الايدا, تۇرمە اكىمشىلىگى وكىلىنىڭ مالىمدەۋىنشە, بۇل بەينەجازبا س. كاددافيگە تۇرمەدە زورلىق كورسەتىلدى دەگەن قاۋەسەتتى جوققا شىعارۋ ماقساتىندا تۇسىرىلگەن سىڭايلى. ايتا كەتەيىك, س. كاددافي اكەسى ولەردەن ءبىر اي بۇرىن 2011 جىلى ليۆيانى تاستاپ قاشىپ كەتكەن بولاتىن. ال ول ناۋرىز ايىنىڭ باسىندا نيگەر ەلىندە قولعا ءتۇسىپ, ليۆياعا ەكستراداتسيالاندى. س. كاددافي بۇرىن فۋتبولشى رەتىندە يتاليانىڭ «پەرۋدجا» مەن «ۋدينەزە» كوماندالارىندا وينادى. سونداي-اق ليۆيا اسكەرىنىڭ پولكوۆنيگى بولعان. ايدار ورىسباەۆ. دەرەككوز: Itar-tass.com. فوتو: www. Today.kz.