ۇلتتىق بانك الەمدىك قارجى نارىعىنداعى جاعداي اسا تۇراقسىز بولىپ قالاتىنىن باسىپ ايتتى.
«ەۋروپاداعى قاقتىعىستىڭ تەز ارادا شەشىلمەي, جاعدايدىڭ ۋشىعۋى ۆاليۋتا جانە قور نارىعىنا قاتتى اسەر ەتەدى», دەلىنگەن حابارلامادا.
حالىقارالىق اكتيۆتەرگە قاتىستى سانكتسيالار رەسەيدىڭ ورتالىق بانكىن ۆاليۋتالىق ينتەرۆەنتسيا جۇرگىزۋ مۇمكىندىگىنەن ايىردى.
«ەندى باعامدى تۇراقتى قىلۋ ءۇشىن رەسەي قارجى مينيسترلىگى رەزيدەنت ەكسپورتتاۋشىلاردى ىشكى نارىقتاعى ۆاليۋتالىق كىرىستىڭ 80 پايىزىن ساتۋعا مىندەتتەدى. سونىمەن قاتار, ەنگىزىلگەن سانكتسيالار مەن رەسەيلىك بانكتەردى SWIFT جۇيەسىنەن الىپ تاستاۋ ۆاليۋتا نارىعىن رەزيدەنتتەردىڭ قاتىسۋىمەن ىشكى نارىققا جانە جاھاندىق نارىققا ءبولدى. ولاردىڭ اراسىنداعى باعا بەلگىلەرى ءارتۇرلى ەكەنىن ەسكەرگەن ءجون. كەشە موسبيرجاداعى ءرۋبلدىڭ بيرجالىق باعامى ءبىر دوللار ءۇشىن 105 رۋبل دەڭگەيىنە دەيىن كوتەرىلدى», دەپ اتاپ ءوتتى ۇلتتىق بانك.
ۇلتتىق بانك مالىمدەمەسىندە رەسەي قازاقستاننىڭ نەگىزگى ساۋدا سەرىكتەسى ەكەنى جانە تەڭگە باعامىنا ءرۋبلدىڭ اسەرى بارى ايتىلعان.
«جاعدايدىڭ تۇراقسىزدانۋىنا جول بەرمەۋ ءۇشىن قازاقستان قور بيرجاسىندا دوللار-تەڭگە ۆاليۋتاسى بويىنشا ساۋدا-ساتتىق فرانكفۋرت اۋكتسيونى نىسانىندا وتكىزىلدى. ونىڭ قورىتىندىسى بويىنشا ۇلتتىق بانكتىڭ ۆاليۋتالىق ينتەرۆەنتسيالارى 98,1 ميلليون دوللاردى نەمەسە ءبىر كۇنگى ساۋدا-ساتتىقتىڭ جالپى كولەمىنىڭ 61,5 پايىزىن قۇرادى. 1 ناۋرىزدان باستاپ ساۋدا-ساتتىق شتاتتىق رەجيمدە وتەدى. 1-5 ناۋرىز ارالىعىندا ۆاليۋتاعا سۇرانىستىڭ ارتۋىنا بايلانىستى ۇلتتىق بانك 534,3 ميلليون دوللار ساتتى, بۇل جالپى ساۋدا كولەمىنىڭ 60 پايىزىن قۇرايدى», دەپ قورىتىندىلادى ۇلتتىق بانكتىڭ ءباسپاسوز قىزمەتى.
