«قازاقستان رەسپۋبليكاسى پرەزيدەنتى جانىنداعى جاستار ساياساتى جونىندەگى كەڭەستىڭ جاڭا قۇرامى بەكىتىلدى. ونىڭ قۇرامىنا قوعام بەلسەندىلەرى, جاس عالىمدار مەن كاسىپكەرلەر, اۋىل, ءوڭىر جانە شىعارماشىل جاستاردىڭ وكىلدەرى, «تاۋەلسىزدىك ۇرپاقتارى» گرانتىنىڭ يەگەرلەرى, پرەزيدەنتتىك كادر رەزەرۆىنىڭ مۇشەلەرى, جاستار ۇيىمدارىنىڭ كوشباسشىلارى كىردى. بۇل جاستاردىڭ بارلىعى ءوز سالاسىنىڭ مايتالمان ماماندارى. وسكەلەڭ ۇرپاقتىڭ وزەكتى ماسەلەلەرىن جاقسى بىلەدى. ءارتۇرلى جاس بۋىننىڭ اراسىندا زور بەدەل مەن سەنىمگە يە», دەپ اتاپ وتەدى مەملەكەتتىك حاتشى.
ونىڭ اتاپ وتۋىنشە, جاڭا قۇرام جاستار ساياساتىن جەتىلدىرۋگە بايلانىستى تۇجىرىمدامالىق قۇجاتتارمەن ۇسىنىستاردى ازىرلەۋگە اتسالىسادى.
«جاقىندا كەڭەستىڭ مۇشەلەرىمەن ZOOM ارقىلى كەزدەسىپ, الداعى جوسپارلارىمىز بەن جۇمىس ءتارتىبىن اقىلداستىق. ەل دامۋىنىڭ جاڭا كەزەڭىندە كەڭەس جاستاردىڭ كۇن تارتىبىندە تۇرعان ماسەلەلەرىن شەشۋدىڭ ناقتى الاڭىنا اينالادى دەپ ۇمىتتەنەمىن», دەپ اتاپ وتەدى ەرلان قارين.
