فرانتسيادا ۆاكتسيناتسيا سەرتيفيكاتتارى مەن مەديتسينالىق ماسكالاردى كيۋ مىندەتى الىنىپ تاستالادى. بۇل تۋرالى بەيسەنبى كۇنى فرانتسيا پرەمەر-ءمينيسترى جان كاستەكس مالىمدەدى.
ء«بىز سانيتارلىق شارالاردى جەڭىلدەتۋدىڭ جاڭا كەزەڭىنە اياق باسقالى وتىرمىز», دەدى ول فرانتسۋز تەلەكومپانياسىنا بەرگەن سۇحباتىندا.
الدىڭعى اپتالاردا فرانتسيا ۇكىمەتى سانيتارلىق شارالاردى كەزەڭ-كەزەڭىمەن الىپ تاستاۋعا كىرىسكەن ەدى. 28 اقپاننان باستاپ ۆاكتسيناتسيا تالاپ ەتىلگەن قوعامدىق ورىندارعا بەتپەردەسىز كىرۋگە رۇقسات ەتىلدى, ال 2021 جىلدىڭ 10 جەلتوقسانىندا جابىلعان تۇنگى كلۋبتار 2022 جىلدىڭ 16 اقپانىندا قايتا اشىلدى.
جان كاستەكس سانيتارلىق تالاپتار مەن كارانتيندىك شارالار مەديتسينالىق مەكەمەلەردە, سونداي-اق قارتتار ۇيلەرىندە ادەتتەگىدەي ساقتالاتىنىن اتاپ ءوتتى. سونىمەن قاتار مەديتسينا قىزمەتكەرلەرى ۇشىن ۆاكتسيناتسيا مىندەتتى بولىپ قالا بەرەدى. قوعامدىق كولىكتەر مەن دەنساۋلىق ساقتاۋ مەكەمەلەرىندە ماسكا تاعۋ رەجيمى ساقتالا بەرمەك.
