تەاتر • 03 ناۋرىز، 2022

سيمفونيالىق وركەستردىڭ دەبيۋتى

67 رەت كورسەتىلدى

جۋىردا «استانا بالەت» تەاترىنىڭ سيمفونيالىق وركەسترىنىڭ العاشقى كونتسەرتى ءوتىپ، وعان مادەنيەت جانە سپورت ءمينيسترى داۋرەن اباەۆ قاتىسىپ، جاڭا ونەر ۇجىمىنا تابىس تىلەدى.

«استانا بالەت» تەاترىنىڭ ديرەكتورى الەكساندر سوۆوس­تيانوۆ ءوز سوزىندە اتالعان ونەر ورداسىندا سيمفونيالىق ور­كەستردىڭ قۇرىلعانى – ەلور­دا­نىڭ مادەني ومىرىندەگى ەلەۋلى وقيعا ەكەندىگىن ايتا كەلىپ: ء«بىز ءۇشىن بۇل زور ماقتانىش، ۇلكەن جاۋاپكەرشىلىك. جاڭا وركەستردىڭ العا قويىپ وتىرعان ماقساتى كوپ. الداعى تاڭدا جەتەكشى ونەر ۇيىمدارىنىڭ قاتارىنا قوسىلىپ، ەل مادە­نيەتىن جوعارى دارەجەدە تانىتۋ» دەدى ول.

جاڭا ۇجىمنىڭ العاشقى L’ouverture كونتسەرتتىك باع­دارلاماسىنا كلاسسيكالىق مۋ­زىكانىڭ بىرەگەيلەرى تاڭ­داپ الىنعان. ايتالىق، ءبىرىن­شى بولىمدە، كورەرمەنگە ە.برۋسيلوۆسكيدىڭ «دۋدار-اي» سيمفونيالىق پوەماسى، ك.سەن-سانستىڭ Danse Macabre جانە ن.ريمسكي-كورساكوۆتىڭ «يس­پان­دىق كاپريچچيوسى» ۇسى­نىلسا، ەكىنشى بولىمدە – راح­مانينوۆتىڭ فورتەپيانو مەن وركەسترگە ارنالعان شى­رايلى شىعارمالارى ورىن­دالدى. سون­داي-اق قا­زاق­ستاننىڭ ەڭ­بەك سىڭىرگەن قاي­­­راتكەرى، تالانت­تى سوليست ءامىر تەبە­نيحين تاماشا تۋىندىلارىمەن جۇرتشىلىقتىڭ قوشەمەتىنە بولەندى.

− ءبىز قۇرامى جاعىنان كاسىبي ءارى جاس ۇجىمبىز. سون­دىقتان  كورەرمەن الدىندا ونەر كورسەتۋ مەن ءۇشىن دە، مۋزىكانتتار ءۇشىن دە زور جاۋاپكەرشىلىك جۇك­تەيدى. شىنىمدى ايتسام، وسى ءساتتى كوپ­تەن كۇتىپ، ونەرىمىزدى ەلور­دا­لىق­تارمەن بولىسكىمىز كەلدى. بۇ­گىنگى كەشتە كوپ ورىندالا قوي­مايتىن شىعارمالاردى تاڭ­داپ، سول ارقىلى ءوزىمىزدىڭ مۇم­كىن­دىگىمىزدى كور­سەتۋگە تى­رىس­­تىق. ءبىر سوزبەن ايت­قان­دا، وركەس­تر­دىڭ ونەرى كورەرمەن كوڭىلىنەن شىقتى دەپ ويلايمىن، − دەدى تەاتر­دىڭ سيم­فونيالىق ور­كەسترىنىڭ باس دي­ريجەرى ارمان وراز­عاليەۆ.

ايتا كەتەيىك، مادەني كەش­تىڭ وتۋىنە مادەنيەت جانە سپورت مينيسترلىگى قولداۋ كورسەتتى.

سوڭعى جاڭالىقتار

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ازىرگە بەسىنشى ورىندامىز

سپورت • بۇگىن، 08:30

ون جىلعا سوتتالدى

قوعام • بۇگىن، 08:25

41 جوباعا – 11،2 ملرد تەڭگە

ايماقتار • بۇگىن، 08:20

732،5 ملرد تەڭگە تارتىلادى

ايماقتار • بۇگىن، 08:15

اسكەريلەر شەبەرلىك سىناسادى

قازاقستان • بۇگىن، 08:10

ۇقساس جاڭالىقتار