اڭگىمە ارقاۋى مەملەكەتتىك قىزمەتتىڭ قازاقستاندىق مودەلى

ۆاشينگتون قالاسىندا (اقش) امەريكا مەملەكەتتىك باسقارۋ قوعامىنىڭ (ASPA) 75 جىلدىعىنا وراي مەرەكەلىك كونفەرەنتسياسى شەڭبەرىندە «مەملەكەتتىك قىزمەتتى جەتىلدىرۋ ستراتەگيالارى: قازاقستان مىسالدارى» ارنايى سەسسياسى بولىپ ءوتتى. مەملەكەتتىك قىزمەت ىستەرى اگەنت­تىگىنىڭ توراعاسى ءاليحان باي­­مەنوۆ كونفەرەنتسيا قاتى­­­سۋ­­­­­شى­لارىن قازاقستان رەسپۋب­­لي­­كا­سى­نىڭ مەملەكەتتىك قىزمەت جۇيە­س­ىنىڭ ەۆوليۋتسياسىمەن, سون­داي-اق, رە­­فورمالاردىڭ جاڭا كەزە­ڭىنىڭ باسىمدىقتارىمەن تانىستىردى. اتاپ ايتقاندا, «مەملەكەتتىك قىزمەت تۋرالى» زاڭداعى تۇبەگەيلى جاڭالىقتارعا, كادرلاردى ىرىك­تەۋ جانە ىلگەرىلەتۋ كەزىندە مەري­توكراتيا قاعيداتتارىن ساقتاۋ­عا, ەتيكالىق جانە سىباي­لاس جەم­­­قورلىققا قارسى باقىلاۋ­دى كۇ­­­شەيتۋگە, پەرسونالدى­­ باس­­­­­قارۋدىڭ يننوۆاتسيالىق تەتىكتە­رىنە, «ا» باسقارۋشىلىق كور­­­­پۋسىنىڭ قۇرىلۋىنا, مەملە­كەتتىك قىزمەتتەر كورسەتۋ ساپا­سىن با­قىلاۋعا, مەملەكەتتىك قىزمەت­­­­شى­لەردى وقىتۋعا جانە ت.ب. جان-جاقتى توقتالدى. قازاقستان پرەزيدەنتىنىڭ جا­نىنداعى مەملەكەتتىك باسقارۋ اكادەمياسى عزي ديرەكتورى ە.جاركەشوۆ قازاقستانداعى مەم­لەكەتتىك قىزمەت سالاسىنداعى وقىتۋ جۇيەسى مەن عىلىمي-زەرت­تەۋ­لەر تۋرالى بايانداما جاسادى. تالقىلاۋعا ASPA پرەزيدەنتى جانە اقش-تىڭ ەڭبەكاقى ءجو­نىن­دەگى فەدەرالدىق كەڭەسىنىڭ باسشىسى ستيۆ كوندري, باسقارۋشىلىق بۋىننىڭ بىلىكتىلىگىن ارتتىرۋ فەدەرالدىق ينستيتۋتىنىڭ بۇ­رىنعى ديرەكتورى جانە ASPA كونفەرەنتسياسىنىڭ قۇرمەتتى تەڭ توراعاسى چەستەر نيۋلاند, بۇۇ-نىڭ قازاقستانداعى رەزيدەنت ۇيلەستىرۋشىسى ستيۆەن تۋلل جانە ت.ب. قاتىستى. تالقىلاۋعا قاتىسۋشىلار قا­زاقستانداعى مەملەكەتتىك قىزمەت سالاسىندا جۇرگىزىلىپ جاتقان رەفورمالارعا جوعارى باعا بەردى جانە ساياسي قىزمەتشىلەردىڭ سەگىز ەسەگە قىسقارتىلىپ, «ا» كور­­پۋ­سىنىڭ قۇرىلۋىن پرەزيدەنت ن.نا­زارباەۆتىڭ مەملەكەتتىك قىزمەتتى كاسىبيلەندىرۋگە باعىتتالعان ەرىك-جىگەرىنىڭ جارقىن كورىنىسى رەتىندە اتاپ ايتتى. كونفەرەنتسيانىڭ قاتىسۋ­شى­لارى استاناداعى مەملەكەتتىك قىزمەت سالاسىنداعى وڭىرلىك حاب باستاماسىنىڭ ماڭىز­­­دىلىعىن اتاپ ءوتتى. تالقىلاۋ قورىتىندىسىندا ءا.بايمەنوۆ پانەلدىك سەسسيا قا­­­تى­سۋشىلارىنىڭ قىزىعۋشىلىق تا­نىتقان سۇراقتارىنا جاۋاپ بەردى. «ەگەمەن-اقپارات».