«زاڭ جوباسىنا ءبىر توپ پارلامەنت دەپۋتاتتارى باستاماشىلىق جاسادى. قۇجاتتا «مۇگەدەك» تەرمينىن «مۇگەدەكتىگى بار ادام» دەپ وزگەرتۋ, مۇگەدەكتىگى بار بالانى ساناتوريالىق-كۋرورتتىق ەمدەۋگە الىپ جۇرەتىن ادامعا جولداما قۇنىنىڭ 70 پايىزىن وتەۋ, دەنساۋلىق ساقتاۋ ۇيىمدارىندا مۇگەدەكتىگى بار ادامدارعا ءبىرىنشى كەزەكتە قىزمەت كورسەتۋ كوزدەلەدى. سونداي-اق ءۇشىنشى توپتاعى مۇگەدەكتىگى بار ادامداردى جەكەشە نوتارياتتىق ءىس-ارەكەتتەر جاساعان كەزدە قۇقىقتىق جانە تەحنيكالىق سيپاتتاعى قىزمەتتەردە اقى تولەۋدەن بوساتىلعان ادامدار ساناتىنا ەنگىزۋ جانە مۇگەدەكتىگى بار ادامدار قۇقىقتارىنىڭ ساقتالۋىن قامتاماسىز ەتەتىن باسقا دا نورمالار كوزدەلەدى», دەدى دەپۋتات ءجاميلا نۇرمانبەتوۆا ءماجىلىستىڭ جالپى وتىرىسىندا.
بۇدان باسقا, قازاقستان اۋماعىندا انىقتالعان ادام ساۋداسىنىڭ قۇربانى بولعان شەتەلدىكتەرگە تەگىن مەديتسينالىق كومەكتىڭ كەپىلدىك بەرىلگەن كولەمىن جانە ارناۋلى الەۋمەتتىك قىزمەتتەردى ۇسىنۋ جونىندەگى نورمالار ەسكەرىلگەن.
«وزگەرىستەر مەن تولىقتىرۋلار 75 زاڭنامالىق اكتىگە, 11 كودەكسكە جانە 64 زاڭعا ەنگىزىلەدى. ءماجىلىستىڭ الەۋمەتتىك-مادەني دامۋ كوميتەتى زاڭ جوباسى بويىنشا 2022 جىلعى 7 جەلتوقسانعا دەيىنگى مەرزىمدە قورىتىندى ازىرلەۋگە دايىن», دەدى دەپۋتات.
