1 ناۋرىز – العىس ايتۋ جانە پارتيانىڭ 23 جىل بۇرىن قۇرىلعان كۇنى. جاقسىلىققا تىلەكتەستىكتى, ءبىر-بىرىنە جاناشىرلىقتى جانە ۇلكەن مەن كىشى اراسىنداعى قامقورلىقتى ىزگىلەيتىن ءبىزدىڭ قوعامدا ىنتىماقتىڭ ارقاسىندا قاڭتارداعى سىن ساعاتتا مەملەكەتتىگىمىز بەن تۇتاستىعىمىز ساقتالدى. كوكتەمنىڭ جاڭارۋ كۇنىندە پارتيا جۇمىسىنىڭ مازمۇنىن قايتا قاراۋ, ونى سىن تۇرعىسىنان وي ەلەگىنەن وتكىزۋدىڭ سيمۆولدىق ءمانى وسىندا.
مەملەكەت باسشىسى قاسىم-جومارت توقاەۆ «امانات» پارتياسىنىڭ باعىت-باعدارىن, جاڭا مىندەتتەرىن ايقىندادى. جاڭا 5 مىندەت – «امانات» پارتياسىنىڭ بارلىق رەفورمالارىنا ۇيىتقى بولىپ, ونىڭ ءاردايىم ەل مۇددەسىن قورعايتىن ناعىز حالىقتىق پارتيا بولىپ قالۋى, ەل بىرلىگىن نىعايتۋداعى جانە الەۋمەتتىك وتكىر ماسەلەلەردى وڭ شەشەتىن نەگىزگى ساياسي كۇش رەتىندە ساقتالۋى قاجەت. اتاپ ايتقاندا, پارتيا اپپاراتىنىڭ تيىمدىلىگىن ارتتىرۋ, ازاماتتاردىڭ مۇددەلەرى مەن پارتيانىڭ اشىقتىعىنا ىقپال ەتۋ, ءماجىلىس پەن ماسليحاتتارداعى فراكتسيالاردىڭ قىزمەتىن جانداندىرۋ, ساياسي كادرلاردى دايارلاۋ مىندەتتەرى تۇر.
پارتيا ەلىمىزدىڭ جاڭا كەزەڭگە قادام باسقان ۋاقىتىمەن تۇسپا-تۇس مودەرنيزاتسيالانادى. قازىر بۇكىل الەمدەگى احۋال وزگەرىپ جاتىر. مەملەكەت باسشىسى: «زامان, قوعام, ادام وزگەرىپ جاتقاندا, پارتيانىڭ وزگەرۋى – زاڭدىلىق. بۇل – ۋاقىت تالابى. وسىعان وراي جاڭا عانا ايتىلعانداي, ساياسي ۇيىمنىڭ اتاۋىن «امانات» دەپ وزگەرتۋ ۇسىنىلدى. جاسىراتىن ەشتەڭە جوق, مەن دە بۇل ماسەلەگە بايلانىستى پىكىرتالاسقا قاتىستىم. بىرنەشە ۇسىنىس بولدى, سونىڭ ىشىنەن «امانات» دەگەن اتاۋعا توقتادىق. بۇل – ەلىمىز ءۇشىن دە, ۇلتىمىز ءۇشىن دە ايرىقشا ءمانى بار كيەلى ۇعىم», دەدى.
«امانات» – ادىلەت پارتياسى, ەل بىرلىگى پارتياسى, ىرگەلى ىلگەرىلەتۋشى, حالىقتىڭ پىكىرى مەن تىلەگىن تىڭداپ, ازاماتتارىمىزدىڭ مۇددەسى جولىندا ارەكەت ەتەتىن پارتيا. بارشامىز مەملەكەت باسشىسىنىڭ «جاڭا قازاقستاندى» قۇرۋ يدەياسىنىڭ اياسىندا بىرىگىپ, توپتاسۋدامىز. بۇل جاڭا ماقساتتار مەن ناقتى مىندەتتەر جۇكتەيدى. زامان, ۋاقىت, ءداۋىر وزگەرىپ, تالاپ جاڭارعان ساتتە ارقايسىسىمىز ىسىمىزبەن ەلىمىزدى دامىتۋعا ۇلەس قوسۋىمىز قاجەت. جاڭا قۇندىلىقتارمەن قاتار كۇردەلى سىن-قاتەرلەر پايدا بولۋدا. مەملەكەت باسشىسى ۋكراينا توڭىرەگىندە بولىپ جاتقان وقيعالار اياسىندا نەگىزگى ۇستانىم مەملەكەتىمىزدىڭ قاۋىپسىزدىگى, ەگەمەندىگى مەن اۋماقتىق تۇتاستىعىن قامتاماسىز ەتۋ ەكەنىنە باسا توقتالدى.
پرەزيدەنتىمىز قاسىم-جومارت كەمەل ۇلىنىڭ: «مەن ءۇشىن ەڭ باستى قۇندىلىق – قازاقستاننىڭ تاۋەلسىزدىگى. مەملەكەت باسشىسى رەتىندە ەلىمىزدىڭ قاۋىپسىزدىگى مەن حالقىمىزدىڭ اماندىعىن قامتاماسىز ەتۋ ءۇشىن قولدان كەلگەننىڭ ءبارىن جاسايمىن. جاۋاپكەرشىلىك جۇگى قانشاما اۋىر بولسا دا, ودان ەش قايمىقپايمىن», دەگەن سوزدەرى سەزد قاتىسۋشىلارىنا زور سەنىم ۇيالاتتى. ەلىمىزدىڭ دامۋىنا ۇلەس قوسۋ, جاۋاپكەرشىلىك سەزىنىپ, ايانباي ەڭبەك ەتۋ – بارىمىزگە ورتاق مىندەت. تۋعان وتانىمىزدىڭ كەلەشەگىن كەمەلدى ەتۋ جولىنداعى مۇراتتارىمىز باياندى بولسىن.
ءماجىلىس دەپۋتاتتارى مەملەكەت باسشىسىنىڭ الدىمىزعا قويعان بارلىق تاپسىرمالارىن تەزىرەك ورىنداۋعا, پارتيا جۇمىسىن جانداندىرىپ, ءرولىن كۇشەيتۋگە اتسالىسامىز. حالىق ناقتى وزگەرىستەردى كۇتىپ وتىر. 16 ناۋرىزدا ساياسي رەفورمالاردىڭ جاڭا باعدارلاماسى ۇسىنىلادى.
جۇلدىز سۇلەيمەنوۆا,
ءماجىلىس دەپۋتاتى
