ۇيىمداستىرۋشىلاردىڭ ايتۋىنشا, بايقاۋ وتباسىلىق بولعاندىقتان وعان اتا-انالاردا ۇلەس قوستى. ءىس-شارانىڭ ماقساتى: وتباسىلىق قۇندىلىقتاردى ساقتاۋ, سالاماتتى ءومىر سالتىن ناسيحاتتاۋ, سونداي-اق الماتى اۋدانىنداعى قىسقى دەمالىس تۇرلەرىن كورسەتۋدى كوزدەگەن.
بايقاۋعا باس-اياعى 23 كوماندا قاتىسىپ, ولار وزدەرى اسەمدەپ اكەلگەن قىسقى شانالارىن جۇرتشىلىققا ۇسىندى.
« ۇلىم «اينالايىن» بالاباقشاسىنا بارادى. بايقاۋدى ەستىگەندە وعان بىردەن قاتىسۋعا بەل بۋدىم. شانانى بەزەندىرۋدى ۇزاق ۋاقىت ويلاندىق. ناۋرىز مەرەكەسى جاقىن قالعاندىقتان شانامىزدى كيىز ۇيگە ۇقساتىپ, ساندەدىك», دەيدى قالا تۇرعىنى ارمان ەسماعامبەتوۆ.
ال ايشا جۇماحمەتوۆا وسىنداي بايقاۋلارعا وتباسىمەن قاتىسقاندى جاقسى كورەدى ەكەن. ء«بىز مۇندا تەك جەڭىس ءۇشىن كەلدىك» دەپ الدىمەن ك ۇلىپ العان ول: ء«بىز شانادان پيراتتىق كەمە جاسادىق. وعان ەكى كۇن ۋاقىتىمىز كەتتى. الايدا شانادان جاساعان كەمەمىز ويىمىزدان شىقتى. وسىنداي مازمۇندى ءىس-شارالار كوبىرەك ءوتىپ تۇرسا, بالالار دا سپورتقا قىزىعىپ, ۋاقىتىن كوڭىلدى ءارى ءتيىمدى وتكىزەدى», دەيدى.
سونىمەن بايقاۋ قورىتىندىسىندا «ەڭ عاجايىپ شانا», «ەڭ جىلدام شانا», «ەڭ ۇيىمشىل وتباسى» اتالىمدارى بويىنشا جەڭىمپازدار انىقتالىپ, جۇلدەگەرلەرگە باعالى سىيلىقتار تابىس ەتىلدى.
