پوليتسيا باسشىلىعى قۇقىق قورعاۋ ورگاندارىنىڭ اۆتوپاركىن تولىقتىرۋ ءتارتىپ ساقشىلارىنىڭ جەدەل ارەكەت ەتۋىنە, سونداي-اق قوعامدىق جانە جول قاۋىپسىزدىگىن قامتاماسىز ەتۋگە وڭ اسەرىن تيگىزەتىنىن ايتادى.
سونداي-اق كورپوراتسيانىڭ قولداۋىمەن جەزقازعان, ساتباەۆ, بالقاش قالالارى جانە ۇلىتاۋ اۋداندارىندا 26 ۋچاسكەلىك پۋنكت پەن پوليتسيا بولىمدەرىندە اعىمداعى جوندەۋ جۇمىستارى جۇرگىزىلىپ, ولارعا 119 جيھاز جيىنتىعى ساتىپ الىندى. پوليتسيا قىزمەتكەرلەرى ءۇشىن قىسقى, ماۋسىمدىق جانە جازعى فورما كيىم-كەشەكتىڭ 444 جيىنتىعى تاپسىرىسپەن تىگىلگەن.
مودۋلدىك ۇلگىدەگى ەكى ستاتسيونارلىق پوليتسيا پۋنكتى ورناتىلدى, جۇمىسقا قاجەتتى ۇيىمداستىرۋ تەحنيكاسى, 690 بىرلىك پلانشەت, ۆيدەوجەتون, راديوستانسا, دەرەكتەردى جۇكتەۋ جانە ءتۇسىرۋ pos-تەرمينالدارى, تەرموپرينتەر ساتىپ الىندى.
الپاۋىت كاسىپورىن مۇنىمەن عانا شەكتەلمەي, ءوڭىر اكىمدىگى مەن «قازاقمىس» كورپوراتسياسى اراسىنداعى ۇزاق مەرزىمدى ىنتىماقتاستىق تۋرالى مەموراندۋمعا وتىردى. ياعني وسى كەلىسىم اياسىندا اتالعان وڭىردە «قاۋىپسىز اۋلا» قاناتقاقتى جوباسى جۇزەگە اسىرىلا باستادى. اتاپ ايتقاندا, كومپانيا قاراجاتى ەسەبىنەن جەزقازعاندا ەسەنبەرلين كوشەسىندە بەينەكامەرالار ورناتىلدى. سونىمەن بىرگە جەدەل باسقارۋ ورتالىعى پايدالانۋعا بەرىلدى.
بۇدان بولەك, الداعى ۋاقىتتا ساتباەۆ قالاسىنداعى «نۇرلى-مەكەن» شاعىناۋدانىندا «قاۋىپسىز اۋدان» بەينەباقىلاۋ جۇيەسىنىڭ اۋقىمدى جوباسىن ىسكە قوسۋ جانە ۋچاسكەلىك پوليتسيا پۋنكتى ءۇشىن جەكە تۇرعان عيماراتتى ساتىپ الۋ جوسپاردا بار.
قاراعاندى وبلىسى
