ويتكەنى قازىرگى تاڭدا تەلەديدار تەتىگىن باسىپ قالساڭ دا, راديوقابىلداعىشتىڭ قۇلاعىن بۇراپ قالساڭ دا ءارتۇرلى ماعىناداعى الۋان جارنامالار جان-جاقتان انداعايلاپ شىعا كەلەدى. وندايدا ءوز-وزىڭنەن قاپا بولىپ, رەنجىگەننەن باسقا امالىڭ قالمايدى. بىراق قانشا رەنجىپ, قاپالانعانىڭمەن, كورىپ وتىرعان حابارىڭدى نە بولماسا تىڭداپ وتىرعان جاڭالىعىڭدى ءۇزىپ تاستاي المايتىنىڭ تاعى انىق. سوندىقتان قايتادان تەلەديدارعا تەلمىرەسىڭ نە راديوعا قۇلاعىڭدى تۇرەسىڭ.
«قازاقستان» ۇلتتىق ارناسىنان «قىزىق ەكەن» باعدارلاماسىن تۇراقتى تۇردە كورەتىن كورەرمەندەردىڭ ءبىرىمىن. جانە بۇل تەلەباعدارلامانى قىزىقتايتىن اۋديتوريا دا اسا از ەمەس قوي دەپ توپشىلايمىن. وسى ارادا ايتايىن دەگەنىم, الگى تەلەباعدارلامانى تاماشالاپ وتىرعاندا, ونى ءار 15 مينۋت سايىن ءۇزىپ تاستاپ, جارناما بەرىپ, ابدەن جۇيكەگە ءتيىپ بىتەتىنىن قايتەرسىڭ.
راس, جارناما – قارجى تابۋدىڭ ءبىر كوزى. ونى جاقسى تۇسىنەمىز. الايدا ونى رەتتەۋدىڭ ءبىر جولىن تابۋعا نەگە بولماسقا؟ ايتالىق, بەلگىلى ءبىر ۋاقىت كەستەسىنە سايكەستەندىرۋ نە بولماسا تاڭعى, تۇسكى, كەشكى ۋاقىتتاردا ارنايى ءبىر مەزگىلدە ءوز الدىنا جارنامالىق حابارلار جۇيەسىن اشۋ. قالاي بولعاندا دا جارناما بەرۋدى بىرىزدىلىككە تۇسىرمەسە بولمايدى.
تىلەك سول – جارناما جۇيكەگە تيمەۋگە ءتيىس.
كارىباي امزە ۇلى,
زەينەتكەر
