– شۇعىل وتانىڭ ءبىرى جۇكتىلىكتىڭ 32-اپتاسىن وتكەرىپ جۇرگەن ايەلگە جاسالدى. ول ورتالىققا 25 قاڭتاردا تۇسكەن ەدى. سول كەزدە ونىڭ جاعدايى اۋىر بولدى. وعان «اۋىر دارەجەلى پرەەكلامپسيا. يديوپاتيالىق ترومبوتسيتوپەنيالىق پۋرپۋرا. انەميانىڭ اۋىر دارەجەسى» دياگنوزى قويىلدى. سول سەبەپتەن, جانساقتاۋ بولىمشەسىنە جاتقىزىلدى. جۇكتى ايەلدىڭ جاعدايىنىڭ اۋىرلىعىنا بايلانىستى №1 وبلىستىق اۋرۋحانانىڭ ماماندارىمەن كونسيليۋم وتكىزدىك. كەيىن ونى ەلورداداعى «انا مەن بالا عىلىمي ورتالىعىنا» جەتكىزۋ تۋرالى شەشىم قابىلداندى. الايدا ودان كوروناۆيرۋس ينفەكتسياسىنىڭ بەلگىسى انىقتالىپ, وبلىستىق پەريناتالدىق ورتالىقتا شۇعىل وتا جاسالدى, – دەيدى ق.ەرماعامبەتوۆ.
ومىرگە سالماعى 1 كيلو 940 گر, بويى 45 سم بۇرىمدى كەلگەن. نارەستەگە باستاپقىدا ورتالىقتىڭ جانساقتاۋ بولىمىندە ەم-دوم كورسەتىلىپتى.
– كەيىن سابيدەن دە قاۋىپتى ۆيرۋستىڭ بەلگىسى تابىلدى. جاعدايى تۇراقتانعاننان كەيىن №2 وبلىستىق اۋرۋحانادا ەم قابىلدادى. سودان سوڭ ۇيىنە شىعارىلدى. وبلىستىق پەرزەنتحانانىڭ ماماندارى كۇردەلى وتانى ءساتتى جاساپ, انا مەن بالانىڭ ءومىرىن ساقتاپ قالدى, – دەيدى ق.ەرماعامبەتوۆ.
اتىراۋ وبلىسى
