سوندىقتان قازىر بۇل سانكتسيالار ءۇشىنشى ەلدەردىڭ رەسەيمەن ىنتىماقتاستىق مۇمكىندىگىن قالاي شەكتەيتىنىن ايتۋ قيىن. بۇل قازاقستانعا قانداي دا ءبىر سالدارىن تيگىزۋى مۇمكىن شەشۋشى ءسات.
سانكتسيالار رەسەيلىك كونتراگەنتتەردىڭ سەرىكتەستەرىنە قولدانىلۋى مۇمكىن. بۇل جاعدايدا قازاقستاندىق كومپانيالار ءۇشىن بەلگىلى ءبىر سالدارلار بولادى. سول كەزدە قانداي دا ءبىر شەشىم نەمەسە اينالىپ وتەتىن جول ىزدەۋگە تۋرا كەلەدى. بىراق سانكتسيالاردا مۇنداي وپتسيانىڭ بولۋى ناقتى ەمەس. بۇل سانكتسيالار تەك رەسەيلىك كومپانيالارمەن عانا شەكتەلۋى مۇمكىن, بۇل جاعدايدا قازاقستان ءۇشىن ەشقانداي سالدار بولمايدى.
سوعىس قيمىلدارىنىڭ گەوەكونوميكالىق سالدارلارىنا كەلەتىن بولساق, ءبىز باتىس ەلدەرىندە سوعىس قيمىلدارى تۋرالى العاشقى بولجامدار ايتىلا باستاعان ساتتەن, ۋكراينادان كەتۋگە كەڭەس بەرىلىپ, ەلشىلىكتەردى كيەۆتەن لۆوۆقا ەۆاكۋاتسيالاۋ باستالعان كەزدەن باستاپ مۇناي باعاسى كوتەرىلگەنىن كورەمىز. سودان بەرى مۇنايدىڭ 1 باررەلىنىڭ باعاسى 80 اقش دوللارىنان 100 دوللارعا دەيىن قىمباتتادى. بۇل جاعداي ءبىر ايعا جۋىق ۋاقىتقا سوزىلدى. مىنە, ءبىر اي ىشىندە ءبىز مۇنايدىڭ قىمباتتاۋىنىڭ كۋاسى بولىپ وتىرمىز. ول 20 پايىزعا جاقىنداپ كەلەدى. تۇسىنگەنىمىزدەي, قازاقستان ەكونوميكاسى مۇناي فاكتورىنا, ونىڭ ىشىندە مۇناي باعاسىنا تاۋەلدى. سوندىقتان قانشالىقتى كەلەڭسىز جاعداي بولىپ جاتسا دا بۇل ءبىزدىڭ ەكونوميكامىز ءۇشىن وسى اسپەكتىدە وڭ سالدارلارعا الىپ كەلەدى.
ۆياچەسلاۆ دودونوۆ,
پرەزيدەنت جانىنداعى
قازاقستان ستراتەگيالىق زەرتتەۋلەر ينستيتۋتىنىڭ باس عىلىمي
قىزمەتكەرى
