ۇكىمەتتە كاسىپكەرلەرگە قاتىستى زاڭ جوباسى قابىلداندى

بۇگىن, 28 ناۋرىز كۇنى پرەمەر-مينستر سەرىك احمەتوۆتىڭ توراعالىعىمەن ۇكىمەت وتىرىسى ءوتتى. وندا ۇكىمەت مۇشەلەرى «رۇقساتتار جانە حابارلامالار تۋرالى» جانە «قازاقستان رەسپۋبليكاسىنىڭ كەيبiر زاڭنامالىق اكتiلەرiنە رۇقسات بەرۋ جۇيەسi ماسەلەلەرi بويىنشا وزگەرiستەر مەن تولىقتىرۋلار ەنگiزۋ تۋرالى» زاڭ جوباسىن ءبىر اۋىزدان قابىلدادى. بۇل تۋرالى Egemen.kz ءتىلشىسى حابارلادى. وتىرىستى اشقان س.احمەتوۆ دايىندالعان زاڭ تۋرالى بايانداۋ ءۇشىن  وڭىرلىك دامۋ ءمينيسترى بولات جامىشەۆكە ءسوز بەردى. «بۇل زاڭ جوباسى ءۇش بولiمنەن تۇرادى. وعان «ليتسەنزيالاۋ تۋرالى» زاڭ تولىعىمەن ەندi. زاڭ جوباسىنىڭ بۇل بولiمiندە سالاداعى بۇگiنگi ماسەلەلەر ەسكەرiلە وتىرىپ, پىسىقتالادى. سونداي-اق, زاڭ جوباسىندا «اكiمشiلiك راسiمدەر تۋرالى» قر زاڭىنان حابارلامالار تۋرالى ەرەجەلەر تولىعىمەن قامتىلدى. زاڭ جوباسىنىڭ 3 ءبولiمi تولىق قايتا جازىلىپ, ليتسەنزيا بولىپ تابىلمايتىن رۇقسات راسiمدەرiنiڭ ماسەلەلەرiن رەگلامەنتتەيدi», دەدi مينيستر ب. جامىشەۆ. جيىندا ءسوز العان ۇلتتىق كاسىپكەرلەر پالاتاسىنىڭ توراعاسى ابىلاي مىرزاحمەتوۆتىڭ مالىمدەۋىنشە, بۇل زاڭ ءتيىستى مەملەكەتتىك ورگاندار مەن كاسىپكەرلەر جانە بىرقاتار قوعامدىق ۇيىمدار قاتىسا وتىرىپ, ءار تاراۋى مۇقيات زەردەلەنىپ, ازىرلەنگەن. نۇرباي ەلمۇراتوۆ. دەرەككوز: Egemen.kz. فوتو: www.Neffegaz.kz.