جاڭا قاعيدالار قر توتەنشە جاعدايلار ءمينيسترىنىڭ 2022 جىلعى 21 اقپانداعى بۇيرىعىمەن بەكىتىلدى.
وسىلايشا, وبەكتىدەگى ءورت قاۋىپسىزدىگىن مەنشىك يەلەرى, مەنشىك نىسانىنا قاراماستان ۇيىمداردىڭ, كاسىپورىنداردىڭ باسشىلارى, جەكە كاسىپكەرلەر, جەكە تۇلعالار, وبەكتىنى نەمەسە ءۇي-جايدى يەلەنۋگە, پايدالانۋعا نەمەسە بيلىك ەتۋگە قۇقىعى بار ادامدار قامتاماسىز ەتەدى دەلىنگەن.
ۇيىمداردىڭ باسشىلارى ءورت قاۋىپسىزدىگىن قامتاماسىز ەتۋ ماقساتىندا بۇيرىقپەن جەكەلەگەن جۇمىس ۋچاسكەلەرىندە ءورت قاۋىپسىزدىگىن قامتاماسىز ەتەتىن ادامداردى تاعايىندايدى.
ۇيىمداردىڭ قىزمەتكەرلەرى ءورت قاۋىپسىزدىگى ماسەلەلەرى بويىنشا وقىتۋدان جانە نۇسقامادان وتكەننەن كەيىن جۇمىسقا جىبەرىلەدى, ال جۇمىستىڭ ەرەكشەلىگى وزگەرگەن كەزدە ىقتيمال ورتتەردىڭ الدىن الۋ جانە ولاردى ءسوندىرۋ بويىنشا قوسىمشا وقىتۋدان وتەدى.
عيماراتتار مەن قۇرىلىستاردا (جەكە تۇرعىن ۇيلەردى قوسپاعاندا) رۇقسات ەتىلمەيدى:
- تەز تۇتاناتىن جانە جانعىش سۇيىقتىقتاردى, جارىلعىش زاتتاردى, پيروتەحنيكالىق بۇيىمداردى, جانعىش گازدارى بار باللونداردى, اەروزول ورامىنداعى تاۋارلاردى, تسەللۋلويدتاردى, جارىلىس-ءورت قاۋىپتى, جانعىش زاتتار مەن ماتەريالداردى جەرتولەلەردە, تسوكول قاباتتارىندا, شاتىرلاردا, تەحنيكالىق قاباتتار مەن ءۇي-جايلاردا ساقتاۋ جانە قويمالاۋ;
- جوبالاۋ قۇجاتتاماسىندا كوزدەلگەن جاعدايلاردى قوسپاعاندا, جەرتولەلەردى, تومەنگى قاباتتاردى, شاتىرلاردى, تەحنيكالىق قاباتتاردى جانە ءۇي-جايلاردى, جەلدەتكىش كامەرالارىن نىسانالى ماقساتى بويىنشا پايدالانباۋ جانە قولدانۋ;
- ليفت حوللدارىن نىسانالى ماقساتى بويىنشا پايدالانباۋ;
- جوبادا كوزدەلگەن قاباتتىق دالىزدەردەن, حوللداردان, فويەدەن, تامبۋرلاردان جانە ساتى تورلارىنان ەۆاكۋاتسيالىق شىعۋ جولدارىنىڭ ەسىكتەرىن, سونداي-اق ەۆاكۋاتسيالاۋ جولدارىندا ءورتتىڭ قاۋىپتى فاكتورلارىنىڭ تارالۋىنا كەدەرگى كەلتىرەتىن ەسىكتەردى الىپ تاستاۋ;
- ناتيجەسىندە ادامداردى قاۋىپسىز ەۆاكۋاتسيالاۋ جاعدايلارى ناشارلايتىن, ءورت سوندىرگىشتەرگە, ءورت كراندارىنا, ءورت قاۋىپسىزدىگى قۇرالدارىنا قول جەتكىزۋ شەكتەلگەن كولەمدى-جوسپارلاۋ شەشىمدەرىنە وزگەرىستەر ەنگىزۋگە نەمەسە ورتكە قارسى اۆتوماتتى قورعاۋ جۇيەلەرىنىڭ (اۆتوماتتى ءورت دابىلى, تۇراقتى اۆتوماتتى ءورت ءسوندىرۋ قوندىرعىسى, ءتۇتىن جويۋ جۇيەسى, قۇلاقتاندىرۋ جانە ەۆاكۋاتسيانى باسقارۋ جۇيەسى)جۇمىس ىستەۋ ايماعى ازايتىلادى;
- ەۆاكۋاتسيالىق ساتىلاردىڭ ەسىكتەرى, ليۋكتەرى, ارالاس سەكتسيالارعا ءوتۋ جولدارى جانە شىعۋ جولدارىن ۇيمەلەۋ, يتەرگىش ارالىق ساتىلاردى بولشەكتەۋ, سونداي-اق پاتەرلەردىڭ بالكوندارى مەن لودجيالارىندا ليۋكتەردى بەكىتۋ;
- مايلانعان ءسۇرتۋ ماتەريالىن جيناماۋ;
- عيماراتتىڭ بارلىق قاباتتارىنىڭ تەرەزەلەرىنە جانە جەرتولە تەرەزەلەرىنىڭ جانىنداعى ويىقتارعا تورلار ورناتۋ (قىلمىستىق-اتقارۋ جۇيەسى وبەكتىلەرى مەن قوعامنان ۋاقىتشا وقشاۋلاۋدى قامتاماسىز ەتەتىن ارنايى مەكەمەلەردىڭ ءۇي-جايلارىن, قويمالاردى, كاسسالاردى, قارۋ-جاراق بولمەلەرىن, مەكەمەلەردىڭ قۇپيا بولىمدەرىن, پرەكۋرسورلاردى ساقتاۋ مەن اينالىسىن قوسپاعاندا);
- تۇتىندەنبەيتىن باسپالداق تورلارىنا اپاراتىن بالكونداردى شىنىلاۋ;
- ساتى تورلارىندا, الاڭدار مەن دالىزدەردە قويما (قوسالقى ءۇي-جايلار) ورنالاستىرۋعا, سونداي-اق ساتى باسپالداقتارىنىڭ استىندا جانە ساتى الاڭدارىندا زاتتاردى, جيھازداردى, جانعىش ماتەريالداردى ساقتاۋعا مىندەتتى. ءبىرىنشى جانە تسوكولدىق قاباتتاردا باسپالداق مارشتارىنىڭ استىندا ورتالىق جىلىتۋدى باسقارۋ توراپتارى, سۋ ولشەۋ توراپتارى جانە جانبايتىن ماتەريالداردان جاسالعان قالقالارمەن قورشالعان ەلەكتر قالقاندارى ءۇشىن ءۇي-جايلار ورناتۋعا جول بەرىلەدى;
- عيماراتتاردىڭ وندىرىستىك جانە قويما ءۇي-جايلارىندا (وتقا توزىمدىلىگى V دارەجەلى عيماراتتاردان باسقا) جوبالاۋ قۇجاتتاماسىندا كوزدەلگەن جاعدايلاردان باسقا, جاپسارلاس ءۇي-جايلار ورناتۋ;
- ءورت قاۋىپسىزدىگىن قامتاماسىز ەتۋ جانە ءورت ءسوندىرۋ قۇرالدارىنا, سونداي-اق قۇتقارۋ قۇرىلعىلارىن بەكىتۋ ورىندارىنا ءوتۋ جولدارىن ۇيمەلەۋ جانە جابۋ.
ەرەجەلەردىڭ تولىق ءماتىنىن مىنا سىلتەمە ارقىلى كورۋگە بولادى.
بۇيرىق 2022 جىلعى 7 ناۋرىزدان باستاپ قولدانىسقا ەنگىزىلەدى.
