بۇل تۋرالى قازاقستان مۇسىلماندارى ءدىني باسقاراسىنىڭ ءباسپاسوز حاتشىسى اعابەك قونارباي ۇلى facebook پاراقشاسىندا جازدى
«كەنجەبولات جولدىباي اعامنىڭ دا ءدام-تۇزى تاۋسىلىپتى. مۇندايدا نە جازارىڭدى بىلمەيسىڭ... كەنجە-اعا, باقۇل بولىڭىز. وسى ومىردە جاساعان ىزگى ىستەرىڭىز وزىڭىزگە سەرىك بولعاي. ول ءدىني باسقارمانىڭ يگى باستامالارىنا ۇنەمى قولداۋ كورسەتىپ, جاناشىر بولىپ ءجۇرۋشى ەدى. اللا الدىڭنان جارىلقاسىن, جاقسى اعا. مەن ءسىزدى جاقسى كورۋشى ەم... ەندى رۋحىڭىزعا قۇران باعىشتاپ, دۇعا جاساۋدان باسقا امالىم جوق», دەپ جازدى ول.
ءماجىلىس دەپۋتاتى ەرلان سايىروۆ تا قارالى حابارمەن facebook ارقىلى ءبولىستى.
«كەنجەبولات جولدىباي اعامىز ماڭگىلىك ساپارعا اتتانىپتى. تەرەڭ, تۇڭعيىق, ادامگەرشىلىگى, رۋحاني الەمى مول ازامات ەدى. يماندى بولسىن!», دەدى ءماجىلىس دەپۋتاتى.
كەنجەبولات جولدىباي 1951 جىلعى 18 جەلتوقساندا قاراعاندى وبلىسىنىڭ جەزدى كەنتىندە دۇنيەگە كەلگەن.
جەزقازعان وبلىستىق پارتيا كوميتەتىندە ەكونوميكالىق ءبىلىم بەرۋ جونىندەگى كەڭەسشى, لەكتور, ساياسي ۇيىمداستىرۋشى, قوعامدىق پىكىردى زەرتتەۋشى ءتارىزدى جۇمىستارمەن, ۇلىتاۋ اۋدانى اكىمىنىڭ ورىنباسارى رەتىندە يدەولوگيا جانە الەۋمەتتىك ماسەلەلەرمەن اينالىستى.
العاشقىدا جەزقازعان وبلىستىق ء«بىلىم» قوعامى, كەيىننەن 1993 جىلدان جەزقازعان وبلىسى جابىلعان مامىر ايىنىڭ 1997 جىلىنا دەيىن حالىقارالىق «قازاق ءتىلى» قوعامىنىڭ جەزقازعان وبلىستىق ۇيىمى توراعالارىنىڭ ورىنباسارى بولدى.
