الماتى تجد ءباسپاسوز قىزمەتى 23 اقپاندا ساعات 01:20-دا «101» پۋلتىنە اۋەزوۆ اۋدانىنىڭ 4 شاعىن اۋدانىنداعى ءتورت قاباتتى ءۇيدىڭ دابىل قاققان تۇرعىندارىنان قوڭىراۋ تۇسكەنىن حابارلادى.
وقيعا ورنىنا بىرنەشە بولىمشەنىڭ ءورت ءسوندىرۋ جاساقتارى جىبەرىلدى.
ء«ورت ءسوندىرۋ جاساقتارى وقيعا ورنىنا 7 مينۋتتان كەيىن كەلدى. ءورت سوندىرۋشىلەردى كورشىلەر قارسى الىپ, ورتەنگەن پاتەردە بالالار بولۋى مۇمكىن ەكەنىن جەتكىزدى. پاتەرىندە قامالىپ قالعان ەر ادام ءۇيدىڭ ارتقى جاعىندا تورمەن جابىلعان تەرەزە ارقىلى كومەككە شاقىردى. ۋلى تۇتىننەن تازا اۋاعا تەك اشىق جەلدەتكىش ارقىلى شىعۋعا بولاتىن ەدى, بىراق تەمىر توردىڭ كەسىرىنەن ەر ادام پاتەردەن شىعا الماي قالدى», دەپ اتاپ ءوتتى تجد قىزمەتكەرلەرى.
قاراۋىل باستىعى مەتالل تورلاردى بۇزىپ, جانىپ جاتقان پاتەرگە تەرەزە ارقىلى كىرۋگە شەشىم قابىلدادى. ناتيجەسىندە 51 جاستاعى ەر ادام وتتى تۇزاقتان امان شىعارىلىپ, جەدەل مەديتسينالىق جاردەم بريگاداسىنا جونەلتىلدى. بىرنەشە ساعاتتان كەيىن قۇتقارىلعان ادام ۇيىنە جىبەرىلدى.
ء«ورت 14 مينۋت ىشىندە اۋىزدىقتالىپ, ساعات 01:54-تە تولىقتاي ءسوندىرىلدى», دەپ تولىقتىردى ۆەدومستۆودان.
بەلگىلى بولعانداي, ەلەكتر سىمدارىنىڭ قىسقا تۇيىقتالۋىنان ۇيدەگى جيھاز جانىپ كەتكەن.
