بۇل دەگەنىڭىز – جەكە سوت ورىنداۋشىلاردىڭ قىزمەتىنە كەلىپ تۇسكەن 100 مىڭ ارىز-شاعىم دەگەن ءسوز. سەبەبى جەكە سوت ورىنداۋشىلار ءىس قوزعاپ, شارا قولدانعانىمەن, ايىپپۇلدىڭ تولەنگەن-تولەنبەگەنىن الدىن الا تەكسەرە المايدى. جەكە سوت ورىنداۋشىلاردىڭ قىزمەتىنە قاتىستى مۇنداي دەرەكتەر ادىلەت مينيسترلىگى جانە جەكە سوت ورىنداۋشىلارىنىڭ رەسپۋبليكالىق پالاتاسىنىڭ مۇرىندىق بولۋىمەن وتكەن دوڭگەلەك ۇستەل بارىسىندا ايتىلدى.
ماجبۇرلەپ ورىنداتۋ شارالارىنىڭ وزەكتى ماسەلەلەرى تالقىعا تۇسكەن باسقوسۋعا سەنات جانە ءماجىلىس دەپۋتاتتارى, مەملەكەتتىك ورگان وكىلدەرى, ادۆوكاتۋرا, نوتاريات, زاڭ كەڭەسشىلەرى, سونىمەن قاتار ۇكىمەتتىك ەمەس ۇيىم مەن قوعام بەلسەندىلەرى قاتىستى. دوڭگەلەك ۇستەلدى العىسوزىمەن اشقان ادىلەت ءمينيسترى قانات مۋسين جەكە سوت ورىنداۋشىلاردىڭ جۇمىسىندا كەمشىلىكتەر بار ەكەنىن ايتا كەلىپ, قوعامدا قىزۋ تالقىلانىپ جۇرگەن وزەكتى ماسەلەردى شەشۋ قاجەتتىگىنە نازار اۋدارتتى. مينيستر اتقارۋشىلىق ءىس جۇرگىزۋدە ەڭ باستىسى – ازاماتتاردىڭ قۇقىقتارىن قورعاۋ ەكەنىن دە ەسكەرتىپ ءوتتى. ول سونداي-اق م ۇلىككە تىيىم سالۋ, تىيىمنان بوساتۋ, سونداي-اق بانكتەر ارقىلى ەلەكتروندى تۇردە تىيىم سالۋ سەكىلدى سۇراقتاردى جان-جاقتى تالقىلاپ, بۇل سۇراقتارعا ناقتى ءارى زاڭدى جاۋاپ تابۋ قاجەتتىگىن ايتتى. «بۇگىنگى باسقوسۋىمىزدىڭ باستى ماقساتى دا وسى – جەكە سوت ورىنداۋشىلاردىڭ جۇمىسىنا قاتىستى ايتىلاتىن پروبلەمالاردى شەشۋ جولىن تابۋ. ويتكەنى ازاماتتارىمىزدا بۇل قىزمەتكە بايلانىستى كوپتەگەن سۇراق تۋىنداپ جاتىر», دەدى ق.مۋسين.
جيىندا بايانداما جاساعان جەكە سوت ورىنداۋشىلارىنىڭ رەسپۋبليكالىق پالاتاسىنىڭ باسقارما توراعاسى ەرنار يبراەۆ بۇل سالاداعى تۇيتكىلدى ماسەلەلەردىڭ ءۇش نەگىزگى بلوگىن اتاپ كورسەتتى. ولار – ازاماتتاردىڭ اتقارۋ ساتىسىنا دەيىنگى, ورىنداۋ كەزەڭىندەگى جانە جەكە سوت ورىنداۋشىلارى ينستيتۋتىنداعى ماسەلەلەر. «جەكە سوت ورىنداۋشىلارى جۇمىسىندا ءالى دە كەمشىلىكتەر بار ەكەنىن مويىندايمىز جانە اشىق ايتامىز. بىراق سونىمەن بىرگە, جەكەلەگەن مەملەكەتتىك ورگاندار تاراپىنان اتقارۋ جۇيەسىنە اسەر ەتەتىن كەمشىلىكتەر دە بار», دەدى ول. اكىمشىلىك ىستەر جونىندەگى سوت القاسىنىڭ توراعاسى اسلان توكيەۆ جەكە سوت ورىنداۋشىلار ۇستىنەن قوزعالاتىن سوت ىستەرىنىڭ جارتىسىنان كوبى شاعىمدانۋشى پايداسىنا شەشىلەتىنىن اتاپ ءوتتى.
ازاماتتاردىڭ قۇقىعىن قورعاۋعا ارنالعان جيىندا اتالعان سالاداعى زاڭدى وزگەرتۋ, بيۋدجەتكە قاراجاتتىڭ ءتۇسۋىن تىركەيتىن بىرىڭعاي ەلەكتروندى جۇيە ەنگىزۋ ماسەلەلەرى دە ءسوز بولدى. وسى ماسەلەلەردى شەشۋ ءۇشىن ادىلەت مينيسترلىگى, جەكە سوت ورىنداۋشىلارىنىڭ رەسپۋبليكالىق پالاتاسى, قارجى نارىعىن رەتتەۋ جانە دامىتۋ اگەنتتىگى جانە قازاقستان قارجىگەرلەرىنىڭ قاۋىمداستىعى بىرلەسىپ ەكىنشى دەڭگەيلى بانكتەر تاراپىنان قولدانىستاعى زاڭناما تالاپتارىن قاتاڭ ساقتاۋ ماسەلەسىن پىسىقتاۋ قاجەت.
جيىن بارىسىندا اتقارۋشىلىق وندىرىستەگى وزەكتى ماسەلەلەر اشىق ايتىلىپ, ماجبۇرلەپ ورىنداتۋ شارالارى جۇيەسىن جەتىلدىرۋ ءۇشىن ۇسىنىستار بەرىلەدى.
