مəسەلە تۇسىنىكتى بولۋ ءۇشىن ەكى اپتاداي ۋاقىتقا شەگىنىس جاسايىن. ورال قالاسىنىڭ مəدەنيەت جəنە تىلدەردى دامىتۋ ءبولىمىنىڭ «مəدەني-اعارتۋ بىرلەستىگى» مەن قالالىق سپورت ءبولىمىنىڭ ۇيىمداستىرۋىمەن 4-5-6 اقپان كۇندەرى ورال قالاسىنىڭ كوميۋنيتي ورتالىقتارى مەن اۋلا كلۋبتارى تəربيەلەنۋشىلەرى اراسىندا «سپورت جۇلدىزدارى» اتتى قىسقى سپارتاكيادا وتكەن ەدى. سول قىسقى سپارتاكيادانىڭ ماراپاتتاۋ سالتاناتىندا مىناداي جان تەبىرەنتەرلىك وقيعانىڭ كۋəسى بولدىق. جارىسقا اپارعان ون ءبىر بالانىڭ كوبى ءوز ماراپاتتارىن الىپ جاتىر ەدى, كەنەت جۇلدەگە قولى جەتپەگەن حامزانىڭ كوزىنە جاس الىپ تۇرعانىن كورىپ, ءبىرتۇرلى بولىپ قالدىق. سول سəتتە جابىرقاپ تۇرعان دوس-باۋىرىن كورگەن بەكزات موينىنداعى مەدالىن شەشتى دە, حامزانىڭ موينىنا تاعىپ جىبەردى. وسى ارادا بالالار تۇگىلى ۇلكەندەردىڭ ءوزى ابدىراپ قالدى. سەبەبى بۇل ەشكىم كۇتپەگەن توسىن جاعداي ەدى...
اتاق پەن ماراپاتتان دوسىنىڭ كوڭىلىن قىمبات ساناعان بەكزاتتىڭ əرەكەتى ابىروي مەن اتاق-داڭق جولىندا جانىن ساتقان كەي ۇلكەندەرگە دە ۇلگى دەپ ويلايمىن. بەكزاتتاي بەكزات مىنەز ۇل تəربيەلەپ وتىرعان اتا-اناسىنا دا مىڭ العىس! وسىنداي عاجاپ سəتتەردىڭ كۋəگەرى قىلعانىڭ ءۇشىن ساعان دا راحمەت, «مəدەني-اعارتۋ بىرلەستىگى»! دەگىمىز كەلەدى.
ورىنبەك مەڭدىقۇل,
قالا تۇرعىنى
باتىس قازاقستان وبلىسى
