تاەكۆوندو: استانادا گران-پري ءتۋرنيرى وتەدى

بۇكىلالەمدىك تاەكۆوندو فەدەراتسياسى (WTF) بيىل «بۇكىلالەمدىك گران-پري سەرياسى» تۋرنيرلەرىن وتكىزەتىن ءتورت قالانى انىقتادى. بۇل تۋرالى سپورتتىق جەكپە-جەك جانە كۇش قولداناتىن سپورت تۇرلەرى كونفەدەراتسياسى حابارلادى. وسىلاردىڭ ىشىندە استانا قالاسى دا الەمدىك دودانى قابىلداۋعا لايىقتى قالا رەتىندە تانىلدى. ەندى استانا قىتايدىڭ سۋچجوۋ, ۇلىبريتانيانىڭ مانچەستەر جانە مەكسيكانىڭ كەرەتارو قالالارىمەن بىرگە وسىناۋ جارىستى وتكىزەدى. الەمدىك گران-پري ءتۋرنيرىنىڭ كەستەسىنە سايكەس, استاناداعى جارىس 29-31 تامىز كۇندەرى وتەدى. جارىستىڭ وتەتىن جەرى قازىردەن باستاپ بەلگىلى بولدى. ونىڭ جالاۋى «الاۋ» مۇز سارايىندا جەلبىرەيدى.  ال ەڭ ءبىرىنشى گران-پري سەرياسىنىڭ ءتۋرنيرى قىتايدىڭ سۋچجوۋ قالاسىندا شىلدە ايىندا وتەدى. ودان كەيىن استانادا تامىز ايىندا , مانچەستەر قالاسىندا قازان ايىندا جانە كەرەتارو قالاسىندا جەلتوقسان ايىندا وتكىزىلەدى. داستان كەنجالين. دەرەككوز: confederation.kz فوتو: Sport.gazeta.kz.