بۇل ۆەلوشەرۋ ەلىمىزدەگى العاشقى قىسقى مارافون رەتىندە قازاقستاننىڭ رەكوردتار كىتابىنا (قازاقستاندىق اقپاراتتىق-ەنتسيكلوپەديالىق انىقتامالىق) تىركەلدى. ۆەلوشاباندوزعا ءتيىستى سەرتيفيكاتتى اتالعان انىقتامالىقتىڭ ەلورداداعى وكىلى قۋاندىق قۇدايبەرگەنوۆ تاپسىردى.
ەلوردالىق ۆەلوشابوندوز بۇعان دەيىن دە بىرنەشە ۆەلوشەرۋ ۇيىمداستىرعانىن بىلەمىز. اتاپ ايتقاندا, 2018 جىلى استانانىڭ 20 جىلدىعى مەن قاراعاندى وبلىسى اقتوعاي اۋدانىنىڭ 90 جىلدىعىنا ارنالعان «استانا-اقتوعاي» 500 شاقىرىمدىق ۆەلوجارىسىنا; 2019 جىلى ساكەن سەيفۋلليننىڭ 125 جىلدىعى مەن قاراعاندى وبلىسى جاڭاارقا اۋدانىنىڭ 90 جىلدىعىنا ارنالعان «قاراعاندى − جاڭاارقا» 208 شاقىرىمدىق ۆەلوجارىسىنا; 2020 جىلى ۇلى ابايدىڭ 175 جىلدىعىنا ارنالعان «نۇر-سۇلتان −جيدەباي» 1088 شاقىرىمدىق ۆەلوجارىسىنا, سونداي-اق بىلتىر ىبىراي ءالتىنساريننىڭ 180 جىلدىعىنا, تاۋەلسىزدىكتىڭ 30 جىلدىعىنا, ىبىراي التىنسارين اتىنداعى ۇلتتىق ءبىلىم اكادەمياسىنىڭ 100 جىلدىعىنا, ىبىراي التىنسارين مۋزەيىنىڭ 30 جىلدىعىنا ارنالعان 750 شاقىرىمدىق «نۇر-سۇلتان – قوستاناي» ۆەلوشەرۋىنە باستاماشى بولىپ, وعان ءوزى دە قاتىستى.
ايتا كەتەيىك, ەرنات مەلس ۇلى − جان-جاقتى ازامات, اعىلشىن ءتىلىنىڭ مامانى, اۋدارماشى, «اعىلشىنشا ءتىل سىندىرۋ» اتتى كىتاپتىڭ اۆتورى. قازىر ول «حابار-24» تەلەارناسىنىڭ شەتەل جاڭالىقتارىن دايىندايتىن ءتىلشىسى.
