تاڭەرتەڭنەن باستاپ احات-تىڭ استانالىق بولىمدەرىندە جاس جۇبايلار وزدەرىنىڭ العاشقى وتباسىلىق قۇجاتتارىن الۋ ءۇشىن ءتىزىلىپ تۇردى. بۇگىن نۇر-سۇلتاندا كۇننىڭ سوڭىنا دەيىن 240-قا جۋىق جۇپ نەكە قيۋ ءراسىمىن وتكىزەدى.
«اينا دەپ اتالاتىن بۇگىنگى كۇن سياقتى كۇندەر جاس جۇبايلار اراسىندا سۇرانىسقا يە. ەگەر, مىسالى, ەسىل اۋدانىندا كۇنىنە ورتا ەسەپپەن 30-40 جۇپ تىركەلسە, بۇگىن جۇمىس كۇنىنىڭ سوڭىنا دەيىن 100-گە جۋىق تىركەۋ كۇتىلۋدە. جاس جۇبايلارعا باقىتتى وتباسىلىق ءومىر, مىقتى نەكە تىلەيمىن, بۇل كۇن ولارعا ساتتىلىك پەن اماندىق اكەلسىن», دەپ اتاپ ءوتتى ەسىل اۋدانى اكىمدىگىنىڭ احات ءبولىمىنىڭ باسشىسى راۋشان زاريروۆا.
ايتا كەتۋ كەتسەك, سوڭعى جىلدارى ەلوردادا نەكەنى رەسمي تۇردە تىركەگەن جاڭا وتباسىلاردىڭ سانى ۇنەمى ءوسىپ كەلەدى. 2020 جىلى 9 571 جۇپ وتاۋ قۇرسا, 2021 جىلى بۇل كورسەتكىش 12 مىڭعا دەيىن جەتتى.
4-5 جىل بۇرىن جاس جۇبايلاردىڭ ورتاشا جاسى 22-23 جاستى قۇراسا, بۇگىنگى تاڭدا 26-28 جاس ارالىعىنداعى جاستار نەكەگە وتىرادى. تەك جاستار عانا ەمەس, سونىمەن بىرگە 50-60 جانە ءتىپتى 70 جاستاعى ەرەسەكتەر دە اق نەكەلەرىن قيادى.
