«پاندەمياعا بايلانىستى شەكتەۋلەر سالدارىنان قازاقستان-قىتاي شەكاراسىندا كولىكتەر تۇرىپ قالعانى بەلگىلى. ۋاقىتشا جابىق تۇرعان وتكىزۋ پۋنكتەرىنىڭ جۇمىسىن قالپىنا كەلتىرۋ ءۇشىن قىتاي تاراپىمەن 15 اقپاننان باستاپ «نۇر جولى», «باقتى» جانە «دوستىق» وتكىزۋ پۋنكتىلەرىنەن بولەك مايقاپشاعاي وتكىزۋ بەكەتىنىڭ جۇمىسىن قالپىنا كەلتىرۋ تۋرالى كەلىسىمگە قول جەتكىزىلدى. ەندى وسى جۇمىستى ىسكە اسىرۋ قاجەت», دەدى ءاليحان سمايىلوۆ.
سونداي-اق ول كەدەننەن الىناتىن الىم-سالىقتىڭ تولىق بيۋدجەتكە تۇسۋىنە نازار اۋداردى.
«كەدەندىك اكىمشىلەندىرۋ بويىنشا تسيفرلاندىرۋ جۇرگىزىلۋدە. قابىلدانىپ جاتقان پروتسەستى وڭتايلاندىرۋعا, كەدەندىك راسىمدەر كەزىندە بيزنەستى جۇرگىزۋدى جەڭىلدەتۋگە مۇمكىندىك بەرەدى. سونىمەن قاتار بيۋدجەتكە كەدەندىك تولەمدەر مەن سالىقتاردىڭ تولىق تولەنۋىن قامتاماسىز ەتۋ كەرەك. وسىعان بايلانىستى قارجى مينيسترلىگى «استانا-1» جانە «بىرىڭعاي تەرەزە» اقپاراتتىق جۇيەلەرىنىڭ ساپالى جۇمىس ىستەۋىن قامتاماسىز ەتسىن», دەدى ۇكىمەت باسشىسى.
