«راسىندا كادەگە جاراتۋ الىمدارىن شەگەرسە, اۆتوكولىك باعاسى تومەندەيتىن شىعار دەگەندى ءجيى ەستىپ ءجۇرمىز. ەندى ستاتيستيكاعا زەر سالساق, ەلىمىزدەن شىققان اۆتوكولىكتەرگە ەشقانداي ۋتيليزاتسيالىق الىم تولەنبەيتىنى ءمالىم. وتكەن جىلى 105 043 جەڭىل اۆتوكولىك وتكەرىلسە, 64 پايىزى وتاندىق ءونىم بولعاندىقتان, ۋتيليزاتسيالىق الىم تولەنبەدى. تراكتوردىڭ 89 پايىزى, كومباينداردىڭ 88 پايىزى, اۆتوبۋستاردىڭ 74 پايىزى ءوز ەلىمىزدىكى ەكەنى راس. وسىعان قاراپ-اق ءبارىن باعامداۋعا بولادى. دۇرىسى, باعا وزگەرمەيدى», دەدى قايىربەك وسكەنباەۆ.
مينيستر شەتەلدىك اۆتوكولىكتەردىڭ باعاسى نەلىكتەن وزگەرىسسىز قالاتىنىن دا ايتىپ ءوتتى.
«وزگە ەلدەردەن كەلەتىن اۆتوكولىكتەردىڭ باعاسى تومەندەيدى دەپ ايتۋدىڭ قاجەتى شامالى. ايتالىق, جول تالعامايتىن قىمبات اۆتوكولىك اكەلسە, ءوز قالتاسىنا تۇسەتىن قۇنى وسەدى دە, حالىق ءۇشىن ارزان باعامىن ساتىلمايدى دەپ ويلايمىن», دەدى مينيستر.
