«پانوراما» سەكتسياسى نەگىزگى كونكۋرستان كەيىنگى سالماقتى جۇلدەگە جاتادى. ياعني كونكۋرستىڭ قازىلار القاسى كينويندۋستريانىڭ كاسىپقوي ماماندارىنان ەمەس, كورەرمەندەردەن قۇرالعان. ولار كارتينانى كورىپ بولعان سوڭ بىردەن داۋىس بەرەدى.
بيىل كوروناۆيرۋسقا بايلانىستى شەكتەۋلەرگە قاراماستان, «پانوراما» سەكتسياسىنا ەنگەن فيلمدەردى 20 مىڭنان استام ادام كورگەن. كينوفەستيۆالدىڭ اتالعان سەكتسياسىنا 33 ەلدەن بارلىعى 29 كارتينا قاتىستى.
تۇرمىستىق زورلىق-زومبىلىق تۋرالى باياندايتىن «باقىت» ءفيلمى كورەرمەندەر مەن حالىقارالىق باق تاراپىنان جىلى لەبىزدى كوپ جيناعان ەدى. سەبەبى ۇيدەگى وزبىرلىق قازاقستاندا عانا ەمەس, بارشا الەمدە وتكىر ماسەلەگە اينالىپ وتىر. ايتا كەتەيىك, كينوكارتينا شىنايى وقيعالارعا نەگىزدەلىپ تۇسىرىلگەن.
فيلمدە قازاقستاننىڭ شاعىن قالاسىندا ءومىر ءسۇرىپ جاتقان وتباسى تۋرالى, ۇزاق جىلدارعا سوزىلعان تۇرمىستىق زورلىق-زومبىلىق پەن ماحابباتسىز ءومىر جايىندا باياندالادى. كۇيەۋى, ايەلى مەن ولاردىڭ بويجەتكەن قىزى – ءۇش نەگىزگى كەيىپكەر تۇرمىستىق زورلىق-زومبىلىقتىڭ بار مۇڭىن, اۋىرتپالىعىن كورسەتەدى.
ەسكە سالايىق, بۇعان دەيىن 72-ءشى بەرلين حالىقارالىق كينوفەستيۆالىنىڭ Generation (بالالار مەن جاسوسپىرىمدەر تۋرالى فيلمدەر) كونكۋرستىق باعدارلاماسى باس جۇلدەسىن رەجيسسەر فارحات ءشارىپوۆتىڭ «سحەما» ءفيلمى جەڭىپ العان بولاتىن.
