«موي گورود» باسىلىمىنىڭ حابارلاۋىنشا, 35 جاستاعى جەتى بالانىڭ اناسىن ولتىرگەنى ءۇشىن 25 جاستاعى ەر ادامعا مامانداندىرىلعان اۋدان ارالىق قىلمىستىق سوت ءىسى ۇكىم شىعاردى.
ءىس ماتەريالدارىنا سايكەس, 2021 جىلدىڭ ناۋرىز ايىندا سوتتالۋشى جابىرلەنۋشىنىڭ ءوتىنىشى بويىنشا بىرنەشە رەت بانكتەردە نەسيەلەردى ءوز اتىنا رەسىمدەگەن. الايدا, كەيىنىرەك ايەل نەسيە تولەۋدەن باس تارتقان.
«25 قاراشادا سوتتالۋشى جابىرلەنۋشىمەن كەزدەسىپ, اشۋ ۇستىندە ونى بىرنەشە رەت پىشاقتاپ, وقيعا ورنىنان قاشىپ كەتكەن. اۋىر دەنە جاراقاتىنان ايەل وقيعا ورنىندا قايتىس بولدى. سوتتالۋشى كىناسىن تولىق مويىنداپ, جاساعان ىسىنە وكىندى», دەپ جازىلعان حابارلامادا.
سونداي-اق قىلمىسكەردىڭ جابىرلەنۋشۋگە كورسەتكەن ارەكەتى ساراپتاما قورىتىندىلارىمەن, سونداي-اق بەينەجازبالارمەن راستالادى.
سوت ۇكىمىنىڭ شەشىمى بويىنشا ەر ادام كىسى ولتىرگەنى ءۇشىن كىنالى دەپ تانىلىپ, وعان 10 جىلعا باس بوستاندىعىنان ايىرۋ جازاسى تاعايىندالدى.
ايتا كەتەتىن جايت, مارقۇمنىڭ ارتىندا جەتى بالاسى قالدى, ولاردىڭ ەڭ كىشىسى بەس جاستا.
ايانا توعانبەك,
ەۇۋ ستۋدەنتى
