سالتاناتتى راسىمنەن كەيىن وتكەن ەكىجاقتى كەزدەسۋ بارىسىندا ەلشى قازاقستان پرەزيدەنتى قاسىم-جومارت توقاەۆتىڭ سلوۆەنيا پرەزيدەنتىنە جولداعان جىلى لەبىزدەرىن جەتكىزىپ, بيىل ەكى ەلدىڭ اراسىنداعى ديپلوماتيالىق قارىم-قاتىناستار ورناۋىنىڭ 30 جىلدىعىنىڭ ماڭىزدىلىعىن اتاپ, قازاقستاننىڭ سلوۆەنيامەن ەكىجاقتى ىنتىماقتاستىقتى ودان ءارى نىعايتۋعا ۇلكەن ءمان بەرەتىنىن حابارلادى.
«ەلشى سۇحباتتاسىن قازاقستانداعى احۋالمەن جانە مەملەكەت باسشىسىنىڭ جاڭا ساياسي جانە الەۋمەتتىك-ەكونوميكالىق رەفورمالارىمەن تانىستىردى. ءوز كەزەگىندە, ب.پاحور جۇرگىزىلىپ جاتقان رەفورمالارعا قىزىعۋشىلىق تانىتىپ, سلوۆەنيا قازاقستاندى سەنىمدى ارىپتەسى رەتىندە قاراستىراتىنىن جانە ليۋبليانانىڭ تىعىز ىنتىماقتاستىقتى دامىتۋعا دايىن ەكەندىگىن اتاپ ءوتتى. كەزدەسۋ سوڭىندا سلوۆەنيا پرەزيدەنتى ەكىجاقتى قاتىناستاردى ودان ءارى نىعايتۋ ىسىنە تابىس تىلەپ, قازاقستاننىڭ پرەزيدەنتى ق.توقاەۆقا جىلى تىلەكتەرىن جولدادى», دەلىنگەن ۆەدومستۆو حابارلاماسىندا.
